Amruta Deshmukh Prasad Jawade Marriage : ‘बिग बॉस’ फेम अभिनेत्री अमृता देशमुख व अभिनेता प्रसाद जवादे अखेर विवाहबंधनात अडकले आहेत. शनिवार (१८ नोव्हेंबर) रोजी प्रसाद-अमृता बोहोल्यावर चढले आहेत. त्यांच्या लग्नाचे अनेक फोटो, व्हिडीओ सोशल मीडियावर वाऱ्यासारखे पसरले आहेत. प्रसाद- अमृताच्या शाही विवाहसमारंभाला सिनेसृष्टीतील कलाकार मंडळींनी हजेरी लावत त्यांच्या लग्नसोहळ्याला चारचाँद लावले आहेत. या जोडीने त्यांच्या लग्नापूर्वीच्या विधींपासूनचं साऱ्यांचं लक्ष वेधून घेतलं होतं.
लग्नानंतर प्रसाद-अमृताच्या लूकची विशेष चर्चा रंगलेली पाहायला मिळत आहे. सांगीतिक पद्धतीने पत्रिकेद्वारे त्यांनी त्यांच्या लग्नाचं आमंत्रण दिलं होतं. तळेगाव, पुणे येथील एका फार्महाऊसवर त्यांचा शाही विवाहसोहळा संपन्न झाला. कुटुंबियांच्या व मित्रपरिवाराच्या उपस्थितीत प्रसाद-अमृता यांनी एकमेकांना वरमाला घालत लग्नगाठ बांधली. त्यांच्या लग्नाच्या सोहळ्याहून अधिक चर्चा रंगली ती त्यांच्या हळदी समारंभाची.
प्रसाद व अमृताच्या हळदी समारंभाचे अनेक फोटोस सोशल मीडियावर व्हायरल झाले होते. हळद लागल्यानंतर प्रसाद-अमृताचं रूप खुलून आलेलं पाहायला मिळालं. हळदीनंतर दोघेही थिरकताना ही दिसले आहेत. पिवळ्या रंगाचा लेहंगा आणि फुलांचे घातलेले दागिने यांत अमृता खूप सुंदर दिसत आहे तर प्रसादनेही पिवळ्या रंगाचा कुर्ता परिधान केला आहे. अनेक कलाकार मंडळींनी प्रसाद-अमृताच्या हळदी समारंभालाही हजेरी लावली होती.
‘महाराष्ट्राची हास्यजत्रा’ फेम अभिनेत्री नम्रता संभेराव हिने भावाच्या म्हणजेच प्रसाद जवादेच्या लग्नाला सहकुटुंब हजेरी लावली. त्यांच्या हळदी समारंभालाही नम्रता हजर होती. नम्रताने तिच्या होणाऱ्या वहिनीला हळदी स्पेशल उखाणा घ्यायला लावला, याचा व्हिडीओ सोशल मीडियावर सध्या व्हायरल होत आहे. यावेळी लाजत लाजत अमृतानेही उखाणा घेत नणंदबाईंची इच्छा पूर्ण केली.
अमृताने हळदीस्पेशल असा अगदी हटके अंदाजात उखाणा घेतला. अमृता उखाणा घेत म्हणाली, “आहे प्रसाद-अमृताची हळद, घातलंय सगळ्यांनी येलो, आता एवढी मी छान तयार झाले, होपफुली प्रसाद म्हणेल हाय मी मेलो”. अमृताच्या या हटके उखाण्याने नम्रता खुश झालेली पाहायला मिळाली. सध्या सिनेसृष्टीत अमृता-प्रसाद या नवविवाहित जोडप्याची व त्यांच्या लग्नाची जोरदार चर्चा सुरु असलेली पाहायला मिळतेय.