Aishwarya narkar Troll : कलाकार म्हटलं की, कौतुकाबरोबर ट्रोलिंगदेखील आलंच. काही कलाकार सोशल मीडियावरील या ट्रोलिंगकडे दुर्लक्ष करतात. पण काही कलाकार मात्र या ट्रोलर्सना सडेतोड उत्तर देतात. यापैकीच एक नाव म्हणजे ऐश्वर्या नारकर. ऐश्वर्या नारकर सोशल मीडियावर नेहमीच ट्रेंडिंग रील शेअर करत चाहत्यांच्या संपर्कात राहत असतात आणि यावर त्यांना होणाऱ्या ट्रोलिंगबद्दलही भाष्य करत असतात. असं असलं तरी त्यांनी काही त्यांचे डान्स व्हिडीओ, हटके फोटोशूट करायचं सोडलं नाही. नेहमीच त्या त्यांच्या हटके फोटोशूटने रसिकांच्या मनावर राज्य करतात. अशातच ऐश्वर्या यांनी काही दिवसांपूर्वी शेअर केलेल्या एक बोल्ड फोटोशूटची चर्चा रंगलेली पाहायला मिळत आहे.
इन्स्टाग्रामवर त्यांनी नुकतेच काही स्टायलिश फोटो शेअर केले आहेत, ज्यात त्या बॅकलेस टॉप आणि पँट घालून पोज देताना दिसत आहेत. या फोटोंवर नेटकऱ्यांच्या प्रतिक्रिया दोन गटांत असल्याचं दिसत आहे. काहींनी त्यांच्या लूकचं कौतुक केलं, तर काहींनी त्यांना हे फोटोशूट पाहून ट्रोल केलं आहे. ऐश्वर्या नारकर आणि त्यांचे पती, अभिनेते अविनाश नारकर, हे मराठी मनोरंजनसृष्टीतील चर्चेत असणारं कपल आहे. दोघंही सोशल मीडियावर नेहमीच सक्रिय असतात.
आणखी वाचा – केस जिंकणं अर्जुनला पडतंय महागात, जीवे मारण्याची धमकी मिळाली अन्…; सायली पतीला वाचवणार का?
अशातच ऐश्वर्या यांच्या इंस्टाग्राम अकाउंटवरील टॉपलेस फोटोशूटने साऱ्यांच लक्ष वेधलं आहे. या फोटोवर एका नेटकऱ्याने ऐश्वर्या यांना ट्रोल करत, ‘ताई, तुम्हाला शोभत नाही, आपली संस्कृती नका विसरु’, असं म्हटलं आहे. तर आणखी एका नेटकऱ्याने लिहिलं, “आपण एक नावाजलेली अभिनेत्री आहात; या वयात असा लूक का?”. तर एकाने, “साठी बुद्धी नाठी होते ते ऐकलं होत आज पाहिलं पण”, असं म्हणत टोमणा दिला आहे. तर एका नेटकऱ्याने, “कशासाठी हे?चांगले नावाजलेले कलाकार आहात तुम्ही. आता या वयात हे असं दाखवून काय प्रसिद्धी मिळणार आहे का?”, असं म्हटलं आहे.
आणखी वाचा – फराह खानला कुक दिलीप कुठे भेटला?, १३ वर्षांपूर्वीच्या भेटीमागचा किस्सा…; अजय देवगणच्या आईशी आहे खास कनेक्शन
याउलट, काही चाहत्यांनी मात्र ट्रोल करणाऱ्यांवरच टीका करत ऐश्वर्या यांचा बचाव केला. “पन्नासाव्या वर्षी वाढलेलं पोट आणि टक्कल घेऊन फिरणारे लोक जेव्हा इतरांच्या लूकवर टीका करतात तेव्हा त्यांनी स्वतःचं प्रतिबिंब पाहायला हवं”, असं म्हणत ऐश्वर्या यांची बाजू घेतली. काहींनी तर सरळ लिहिलं की, ‘हिंदी अभिनेत्रींवर तुम्ही फिदा होता आणि मराठी अभिनेत्रीने फॅशन केली की ट्रोल करता- दुहेरी निकष का?”.
