सणवार आले की सगळ्यांचीच लगबग सुरु असते. घरोघरी सर्वत्र सणांसाठीची लगबग सुरु झालेली असते. अशातच आता दिवाळीनिमित्त सर्वांचीच जोरदार तयारी सुरु झालेली पाहायला मिळतेय. यांत कलाकार मंडळीही मागे नाहीत. ते त्यांच्या चित्रीकरणाच्या व्यस्त श्येड्युलमधून वेळात वेळ काढून दिवाळीच्या तयारीला लागले आहेत. अशातच एका मराठमोळ्या अभिनेत्रीने दिवाळीच्या फराळाला सुरुवात केली आहे. याचा व्हिडीओ तिने सोशल मीडियावरून शेअर देखील केला आहे. (Aishwarya Narkar New Video)
अभिनेत्री ऐश्वर्या नारकर यांनी आजवर त्यांच्या अभिनयाने आणि त्यांच्या सौंदर्याने प्रेक्षकांच्या मनात घर केलं आहे. ऐश्वर्या यांनी नुकताच दिवाळीचा फराळ बनवतानाचा व्हिडीओ शेअर केला आहे. या व्हिडिओमध्ये त्या पोह्यांचा चिवडा बनवताना दिसत आहेत. पोह्यांचा चिवडा बनवतानाचा एक व्हिडीओ त्यांनी शेअर करत ‘फ्रेश चिवडा बनवला’ असं कॅप्शन दिलं आहे. त्यांचा हा व्हिडीओ पाहून अनेकांनी व्हिडीओखली कमेंट करत त्यांच्या या कलेचंही कौतुक केलं आहे.
पोह्यांचा चिवडा बनवताचा ऐश्वर्या यांचा व्हिडीओ पाहून नेटकऱ्यांनी संमिश्र प्रतिक्रिया दिल्या आहेत. या व्हिडीओवरील ऐश्वर्या नारकर यांचे पती अविनाश नारकर यांची कमेंट लक्ष वेधून घेतेय. अविनाश यांनी ऐश्वर्या यांची स्तुती करत तिचं कौतुक केलं आहे. या व्हिडिओवर कमेंट करत अविनाश नारकर म्हणाले की, “अरे यार, ऐश्वर्याच्या हातचा चिवडा म्हणजे चखते रहे जाओगे”. शिवाय या व्हिडिओवर अनेकांनी कमेंट करत ऐश्वर्या यांनी दिवाळीच्या शुभेच्छा दिल्या आहेत, तर काहींनी ‘चिवडा आमच्या पर्यंत आला पाहिजे’ अशा कमेंट केल्या आहेत.
अविनाश नारकर आणि ऐश्वर्या नारकर ही जोडी प्रेक्षकांची लाडकी जोडी आहे. त्यांचे एकत्र केलेले अनेक रील व्हिडीओ प्रेक्षकांच्या नेहमीच पसंतीस पडतात. ही नारकर जोडी सध्या झी मराठी वाहिनीवरील मालिकांमधून प्रेक्षकांचं मनोरंजन करत आहे. ऐश्वर्या नारकर या ‘सातव्या मुलीची सातवी मुलगी’ या मालिकेत महत्त्वाच्या भूमिकेत दिसतात. तर अविनाश नारकरही ‘३६ गुणी’ जोडी मालिकेत महत्त्वाचं पात्र साकारत आहेत. ऐश्वर्या या योगाफ्रिक असून नेहमीच त्या योगा करतानाचे अनेक व्हिडीओ सोशल मीडियावरून शेअर करत असतात.
