Samosa Warning Controversy : ज्याप्रमाणे सिगारेटच्या पाकिटावर धोक्याचा इशारा देण्यात येतो, त्याचप्रकारे आता तेलकट आणि गोड पदार्थांच्या बाबतीतही असा इशारा देण्यात आला आहे. तेलकट-गोड पदार्थांसंभावित धोक्याचं फलक केंद्र सरकारकडून सर्व कार्यालयातील उपहारगृहांमध्ये लावण्यात येणार आहे. या पदार्थांमध्ये समोसे, वडापाव, कचोरी, पिझ्झा यांचा समावेश आहे. आणि बहुतांश कष्ट करुन आपलं घर चालवणाऱ्यांच्या यादीत वडापाव, सामोसा विक्री करणारे अधिक सर्वसामान्य आहेत. केंद्रीय सरकारने लागू केलेल्या या अटीमुळे अर्थातच याचा सर्वसामान्य उद्योजकांवर परिणाम होण्याची शक्यता आहे.
जिलेबी, वडापाव यांसारख्या पदार्थांमध्ये किती तेल आणि साखर असते याची माहिती देण्यात येणार आहे. या सर्व निर्णयावर आता मराठी अभिनेत्री आरती सोळंकी हिने एक पोस्ट शेअर केली आहे. “जिलेबी, समोसे याने वजन वाढतं? पिझ्झा, बर्गर, पास्ता, मोमो, चॉकलेट याने वजन वाढत नाही का?”, असं म्हणत पोस्ट शेअर केली आहे आणि संताप व्यक्त केला आहे.
या पोस्टच्या कॅप्शनमध्ये तिने तिचे मत व्यक्त केले आहे. त्यात ती म्हणाली की, “गव्हर्नमेंटने हिंमत असेल तर चीजचे जेवढे पदार्थ आहेत त्यावर बंदी आणावी. वडापाव, समोसा, जिलेबी ही आमची जान आहे. डोमिनोज, पिझ्झा हट, मॅकडोनाल्ड, डेरी प्रॉडक्ट यावर बंदी आणा. आमच्या कष्ट करुन वडापाव, समोसा पाव विकणाऱ्या गरिबांचा स्टॉल बंद पाडू नका”.
आणखी वाचा – सावध व्हा! हार्ट अटॅकचे प्रमाण वाढलेय, वाचण्यासाठी वेळीच घ्या काळजी, काळी द्राक्षे, पालेभाज्या…
आरतीने सोशल मीडियावर ही एक पोस्ट शेअर केली आहे. त्यात तिने सरकारकडे एक मागणी केली. आरती सोळंकी बरेदचा सोशल मीडियावर तिचे मत व्यक्त करताना दिसते. नेहमीच ती काही ना काही शेअर करत चाहत्यांच्या संपर्कात राहत असते. ‘बिग बॉस’मराठीच्या घरातही आरती सोळंकी दिसली होती. यापूर्वी तिने अनेक कॉमेडी शोमधून महत्त्वपूर्ण भूमिका साकारत प्रेक्षकांची मन जिंकली आहेत. अभिनेत्री शेवटची स्टार प्रवाहवरील ठिपक्यांची रांगोळी या मालिकेत दिसली होती. या मालिकेत अभिनेत्रीचा बदलता लूक पाहून साऱ्यांनाच धक्का बसला.
