Zee Marathi Paaru Serial : ‘झी मराठी’ वाहिनीवरील ‘पारू’ ही मालिका गेले दिड वर्ष प्रेक्षकांचं मनोरंजन करत आहे. या मालिकेत प्रेक्षकांना पारू आणि आदित्यची अनोखी प्रेमकहाणी पाहायला मिळत आहे. मात्र त्यांच्या या नात्याला पारूच्या वडिलांचा विरोध असतो. याशिवाय या दोघांच्या ही नात्याचं सत्य अहिल्यादेवीला माहित नसतं. तर आता आदित्य-पारूची प्रेमकहाणी एक पाऊल पुढे कशी जाणार? याची उत्सुकता आता प्रेक्षकांच्या मनात निर्माण झाली आहे. अहिल्यादेवीची प्रत्येक गोष्ट ऐकणाऱ्या आणि आदित्यवर जीवापाड प्रेम करणाऱ्या पारूने प्रत्येकाचं मन जिंकून घेतेल आहे.
जाहिरातीच्या शूटिंगदरम्यान आदित्य आणि पारूचं खोटं लग्न झालेले असतं. पण, ‘पारू’ याच नात्याला आपलं सर्वस्व मानते. तर आता पारूच्या निःस्वार्थ प्रेमाची जाणीव अखेर आदित्यला होणार आहे. खोट्या लग्नाच्या आठवणी, पारूचं निस्वार्थ प्रेम आणि दिशाचे टोमणे या सगळ्या गोष्टी आदित्यच्या मनात अपराधीपणाची भावना निर्माण करतात. तर आता आदित्य पारूशी लग्न करण्याचा धाडसी निर्णय घेणार आहे.
आणखी वाचा – सुप्रसिद्ध अभिनेत्रीची कॅन्सरशी झुंज अपयशी, मृत्यूची बातमीही लपवून ठेवली, नेमकं प्रकरण काय?
तर झी मराठीने सोशल मीडियावर या मालिकेचं प्रोमो शेअर केला आहे. ज्यात आदित्यला पारूच्या प्रेमाची जाणीव होताना दाखवण्यात आली आहे आणि आता आदित्य अखेर पारुशी लग्न करण्याचा निर्णय घेतो आणि आता काहीही झालं तरी माझ्या आणि पारूच्या नात्याला न्याय दिलाच पाहिजे त्यासाठी पारूशी लग्न करणं हाच एकमेव मार्ग असं तो मनात ठरवतो. तर आता आदित्यने घेतलेल्या या निर्णयाला अहिल्या पाठिंबा देणार का? आणि आदित्य -पारूच खरंच लग्न होणार का?, याची उत्सुकता आता मालिकेचा प्रोमो पाहून लागली आहे.
आणखी वाचा – ज्येष्ठ अभिनेते धीरज कुमार यांची प्रकृती चिंताजनक, वयाच्या ७९व्या वर्षी व्हेंटिलेटरवर देत आहेत मृत्यूशी झुंज
‘पारू’ मालिकेत आता पुन्हा एकदा दिशा नावाचं वादळ परतलं आहे. दिशाच्या येण्याने मालिकेत नवनवे ट्विस्ट येताना पाहायला मिळत आहेत. इतकंच नाहीतर दिशाने आदित्य व पारूच्या नात्यात विघ्न आणण्यास सुरुवात केली आहे. आता दिशामुळे मालिकेत काही विघटित तर घडणार नाही ना याकडेही प्रेक्षकांच्या नजरा लागून राहिल्या आहेत.
