मराठमोळा अभिनेता सुबोध भावे याने आजवर मराठी मालिका, चित्रपट, वेबसीरिज, नाटक या माध्यमातून महत्त्वपूर्ण भूमिका साकारत प्रेक्षकांच्या मनावर अधिराज्य गाजवलं. आपल्या अभिनयाच्या जोरावर सुबोधने सिनेसृष्टीत स्वतःच असं स्थान निर्माण केलं. सुबोध नेहमीच कोणत्या ना कोणत्या कारणामुळे चर्चेत असतो. सुबोधच्या अभिनयाचा खूप मोठा चाहतावर्ग आहे. आघाडीच्या अभिनेत्यांच्या यादीत सुबोधचं नाव आवर्जून घेतलं जात. (Subodh Bhave Funny Post)
अलीकडेच सुबोध त्यांच्या ‘अलीबाबा आणि चाळीशीतले चोर’ या चित्रपटामुळे चर्चेत आला होता. याशिवाय त्याच्या आगामी ‘संगीत मानापमान’ या संगीतमय चित्रपटाचे पहिले पोस्टरही प्रदर्शित करण्यात आले. याशिवाय काही दिवसांपूर्वी प्रदर्शित झालेल्या रणदीप हुड्डाच्या ‘स्वातंत्र्यवीर सावरकर’ या चित्रपटालाही सुबोधने आवाज दिला. सुबोध एकामागोमाग येणाऱ्या त्याच्या चित्रपटांमुळे भरपूर व्यस्त असल्याचं पाहायला मिळतं. अशातच सुबोधने शेअर केलेल्या एका गमतीशीर पोस्टने साऱ्यांच लक्ष वेधून घेतलं आहे.
सुबोध सोशल मीडियावर बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो. अशातच सुबोधने शेअर केलेल्या एका गमतीशीर इंस्टाग्राम पोस्टने साऱ्यांचं लक्ष वेधलं आहे. सुबोधने शेअर केलेल्या या पोस्टमध्ये तो काही मुलांना शिकवताना दिसत आहेत. या मुलांना तो भौतिकशास्त्राचे ज्ञान देताना दिसत आहे.
हा व्हिडीओ शेअर करत त्याने लिहिलं आहे की, “बारावी बोर्ड परीक्षेत आम्ही मोठ्या मनाने व मोठ्या मार्काने physics या विषयात नापास झालो. आणि आज एका चित्रपटात मी physicsच्या प्राध्यापकाची भूमिका करताना विद्यार्थ्यांंना घडवत आहे. अशीच शिक्षा पाहिजे physicsला. आमच्या मातोश्री यांना हा चित्रपट दाखवल्यावर त्या गदागदा रडतील”, असं म्हटलं आहे, त्याने यापुढे #बदला #extraordinaryrevenge व #karma असे हॅशटॅगही वापरले आहेत. ‘अशीच शिक्षा पाहिजे फिजिक्सला’ या त्याच्या वाक्यावर अनेकांना हसू आलं आहे. अनेक कलाकारांनीही या पोस्टवर कमेंट करत हसण्याचे इमोजी शेअर केले आहेत.
