मे महिना सुरु होताच सर्वांना वेध लागतात ते आंबे खाण्याचे. मे महिना आणि आंबा असं जणू समीकरणचं आहे. फळांचा राजा म्हटला जाणारा आंबा हा उन्हाळ्यात सगळ्यांच्या भेटीला येतो. वर्षभर ज्या फळाची वाट बघायची त्या फळाला चाखायचं नाही, असं कसं होईल. त्यामुळे सामान्य माणूस असो वा अगदी कलाकार मंडळी आंब्यावर अगदी मनमुरादपणे ताव मारतात. आपल्या फिटनेसची पर्वा न करता या आंब्यावर अनेक कलाकार मंडळी ताव मारतात.
या आंब्याची चव चाखण्यासाठी एका मराठमोळ्या अभिनेत्याने आंब्याला चक्क विमानाने घेऊन आला आहे. अभिनेता संतोष जुवेकर याने याबद्दलची पोस्ट शेअर केली आहे. संतोष जुवेकर हा सोशल मीडियावर चांगलाच सक्रिय असतो. सोशल मीडियाद्वारे तो त्याच्या कामाबद्दलची किंवा काही गंमतीजंमती शेअर करत असतो. त्याच्या या पोस्टला चाहतेदेखील लाईक्स व कमेंट्सद्वारे प्रतिसाद देतात. अशातच संतोषने शेअर केलेली ही पोस्ट सध्या सर्वांचेच लक्ष वेधून घेत आहे.
संतोषने त्याच्या इन्स्टाग्रामवर एक व्हिडीओ शेअर केला आहे. ज्यामध्ये त्याने त्याच्या खांद्यावर आंब्याची पेटी घेतली असल्याचे पाहायला मिळत आहे. तसेच या व्हिडीओच्या खाली कॅप्शनमध्ये त्याने असं म्हटलं आहे की, “फळांचा राजा आंबा आणि तोही देवगड हापूस मग त्याला अस train आणि गाडीने कस बर आणायचं घरी म्हणून विमानाने घेऊन आलो शेवटी आमच्या कोकणाची शान आहे हा आणि घरीपण लवकर पोहोचता येईल.”
दरम्यान, या व्हिडीओला चाहत्यांनी लाईक्स व कमेंट्सद्वारे चांगलाच प्रतिसाद दिला आहे. एकच वादा, संतोष दादा, कमाल, वा दादा, जबरदस्त” अशा अनेक कमेंट्स केल्या आहेत. तसेच एकाने संतोषच्या या पोस्टवर ‘खरं सांग आंबा धक्काबुकीत पिछकु नये म्हणून तू विमानाने आणला ना” असं गंमतीत म्हटलं आहे.