अभिनेता संकर्षण कऱ्हाडे याने मालिकाविश्वाकडून ब्रेक घेत काही काळ नाटकविश्वाकडे वळला आहे. सध्या तो त्याचा संपूर्ण वेळ रंगभूमीला देत असल्याचं पाहायला मिळत आहे. तू म्हणशील तसं, नियम व अटी लागू या दोन्ही नाटकांमध्ये महत्त्वपूर्ण भूमिका साकारत संकर्षणने प्रेक्षकांची मन जिंकली. या दोन्ही नाटकांचे सध्या जोरदार प्रयोग सुरु असलेले पाहायला मिळत आहेत. (Sankarshan Karhade Post)
अभिनयाव्यतिरिक्त कविता करणं, लिखाण व सूत्रसंचालन अशा विविध भूमिका साकारत संकर्षणने आजवर प्रेक्षकांच्या मनात त्याची जागा निर्माण केली आहे. सोशल मीडियावरही संकर्षण बऱ्यापैकी सक्रिय असतो. नेहमीच तो सोशल मीडियाच्या माध्यमातून चाहत्यांसह काही ना काही शेअर करत असतो. अशातच संकर्षण सध्या नाटकाच्या प्रयोगानिमित्त प्रवास करण्यात व्यस्त असल्याच समोर आलं. संकर्षण सोशल मीडियावर अनेक पोस्ट शेअर करत याबाबतचे अपडेट हे देत असतो.
सध्या एका नाटकाचा दौरा पूर्ण करत संकर्षण नाशिकहुन मुंबईत परतला आहे. स्वप्नांची मायानगरी असणाऱ्या या मुंबईला पोहोचताच तिथल्या स्पेशल जागेचा फोटो शेअर करत त्याने या फोटोला दिलेलं कॅप्शन साऱ्यांचं लक्ष वेधून घेत आहे. “रात्रीच्या प्रयोगानंतर नाटकाच्या बसने प्रवास करुन मुंबईत यायचं आणि सकाळी ७.१५ वा. दादर मध्ये चहा, बन मस्का खायचा” असं म्हणत त्याने मुंबईतील दादर येथे नाश्ता करतानाचा फोटो शेअर केला आहे.
संकर्षण नाटकाच्या प्रयोगानिमित्त जगभरात प्रवास करत असतो. इतकंच नव्हे तर तो ज्या ठिकाणी जातो तेथील प्रसिद्ध असणाऱ्या जागांना तो आवर्जून भेट देतो. शिवाय संकर्षण प्रत्येक ठिकाणी स्पेशल असणाऱ्या खाद्यपदार्थांचा आस्वादही घेतो. याबाबतच्या अनेक पोस्ट तो वेळोवेळी शेअर करत त्याच्या चाहत्यांना याबाबतची अधिक माहिती देत असतो.
