मराठी चित्रपटसृष्टीतील लोकप्रिय अभिनेता म्हणजे प्रसाद ओक. गेल्या अनेक वर्षांपासून त्याने आपल्या अभिनयातून प्रेक्षकांच्या मनावर राज्य केलं. नाटक, मालिका किंवा चित्रपट या सर्वच माध्यमातून त्याने उत्कृष्ट अभिनय साकारला आहे. तो सोशल मीडियावर बराच सक्रिय असतो. नुकताच त्याने एक व्हिडीओ शेअर केला आहे. ज्यात तो ‘महाराष्ट्राची हास्यजत्रा’ फेम अभिनेता गौरव मोरे याच्यासह दिसला. हे दोघेही लवकरच ‘महापरिनिर्वाण’ या चित्रपटात दिसणार आहे. या चित्रपटाच्या शुटिंगला सुरु झाली आहे. चित्रपटाच्या शूटिंगनिमित्त तसेच व्यावसायिक कामासाठी दोघेही एकत्र प्रवास करताना पाहायला मिळतात. त्यावेळी ते विविध ट्रेण्डिंग गाण्यावर तसेत विषयावर व्हिडियो बनवतात. नुकत्याच प्रसादने एक व्हिडिओ शेअर केला आहे. (Prasad oak Gaurav more funny video)
या व्हिडिओत प्रसाद गौरवला “जगातलं अंतिम सत्य’ सांगताना पाहायला मिळतो. व्हिडिओत प्रसाद गौरवला विचारतो की, “सांगलीत आलास. ऐवढा मोठा चित्रपट करतो आहेस. कसा, काय अनुभव?”. त्यावर उत्तर देताना गौरव प्रसादला सांगतो, “सर काय सांगू मी! या चित्रपटातून इतकं शिकलो. या चित्रपटातून मला खूप काही शिकायला मिळालं. तुम्ही आहात, आजूबाजूला लोकं आहेत. मी खरंच खूप शिकलो”, असं म्हणतो. पुढे प्रसाद गौरवला स्पष्टीकरण देताना सांगतो, “मला अनुभव जास्त आहे म्हणून तुला एक सांगतो. जगातल्या कुठल्याही क्षेत्रात जेव्हा पैसे खूप कमी मिळतात ना तेव्हा माणूस हे वाक्य म्हणतो, खूप शिकायला मिळालं. असं काही नसतं”.
या विनोदी व्हिडिओवर नेटकऱ्यांनीही विनोदी पद्धतीने कमेंट केले आहेत. एक नेटकरी लिहीतो, ‘नवीन जॉईन केलेल्या अ‍ॅव्हरेज नोकरदाराला पगार कमी आहे. पण शिकायला खूप मिळत आहे’, असं म्हणत नेटकरी स्वतःची परिस्थिती सांगत हसून दाखवलं आहे. तर दुसरा नेटकरी, ‘एवढं पण खरं नव्हतं बोलायचं’, अशी कमेंट केली आहे.
डॉ. बाबासाहेब आंबेडकर यांच्या स्मृतीदिनाला महापरिनिर्वाण दिन असं म्हटलं जातं. ६ डिसेंबर १९५६ ला दिल्लीतील बाबासाहेब आंबेडकरांच्या निवासस्थानी त्यांचं निर्वाण झालं होतं. त्यांच्या निधनाने सर्वांना मोठा धक्का बसला होता. या सर्व क्षणांवर आधारित महापरिनिर्वाण चित्रपट प्रेक्षकांच्या भेटीला येणार आहे.
