Hardik Joshi : अभिनेता हार्दिक जोशी याने ‘तुझ्यात जीव रंगला’ या मालिकेमधून प्रेक्षकांची मनं जिंकली. ही मालिका संपून बराच कालावधी उलटला तरीही प्रेक्षक आजही त्याला राणादा या नावाने हाक मारतात. हार्दिक मालिका आणि चित्रपटांमधून प्रेक्षकांचं नेहमीच मनोरंजन करत असतो. पण आता लवकरच तो एका तामिळ प्रोजेक्टच्या माध्यमातून प्रेक्षकांच्या भेटीला येणार आहे. या प्रोजेक्टनिमित्त हार्दिक तामिळनाडूला शूटिंगसाठी गेल्याच पाहायला मिळालं. हार्दिक सोशल मीडियावर ही कायम सक्रीय असतो. नेहमीच तो काही ना काही शेअर करत चाहत्यांच्या
पण सध्या त्याचा एक व्हिडीओ सोशल मीडियावर व्हायरल होत आहे. ज्यामुळे हार्दिक जोशी पुन्हा एकदा चर्चेत आला आहे. हार्दिक जोशी सध्या एका प्रोजेक्टनिमित्त तामिळनाडूमध्ये शूटिंग करत आहे. आणि या दरम्यान त्याचे तामिळ कॉस्ट्यूम डिझायनर आणि आर्टिस्ट त्याला मराठी शिकवताना हार्दिक जोशी या व्हिडीओमध्ये दिसत आहे. तर व्हिडीओमध्ये ते आर्टिस्ट काही वाक्य बोलताना दिसत आहे आणि त्याच ट्रान्सलेशन करुन हार्दिक त्यांना मराठी शिकवण्याचा प्रयत्न करत आहे.
तसेच त्याने या व्हिडीओमध्ये त्यांना मराठी वाचायला देखील शिकवत आहे. तर याबद्दल सांगताना हार्दिक जोशी म्हणाला की, प्रत्येक भाषा शिक्षण महत्त्वाचं आहे असं मला वाटतं. प्रत्येक भाषेत गोडवा असतो. आणि मी देखीलही भाषा शिकण्याचा प्रयत्न करत आहे. नवीन भाषा दोन-तीन दिवसात शिकणं शक्य नाही आहे. पण जेवढं आपल्याला शक्य होईल तेवढं शिकण्याचा प्रयत्न करु. जर आपण वेगवेगळ्या ठिकाणी जात आहोत तर तेथील भाषा explore करणं गरजेचं आहे. असं त्याने या व्हिडीओमध्ये सांगितलं.
इतकंच नाही तर त्याच्या कॉस्च्युम डिझाइनरने तामिळ भाषेत त्याच्यासाठी काही भावना व्यक्त केल्या होत्या. ते ही त्यांनी वाचून दाखवल्याचे या व्हिडीओमध्ये पाहायला मिळालं. इतकंच नव्हे तर त्यांनी हार्दिककडून काही मराठी शब्द शिकून त्यांच्या प्रयत्नाने मराठीत हार्दिकबद्दलच्या भावना आणि त्याच्यासह काम करण्याचा अनुभव सांगितला.
