‘झी मराठी’ वाहिनीवरील ‘चला हवा येवू द्या’ हा विनोदी शो अनेक वर्ष प्रेक्षकांना मनसोक्त हसवत आहे. या शोमधील सगळेच कलाकार लोकप्रिय आहेत. यातील महाराष्ट्राचा विनोदवीर भाऊ कदम यांनी आपल्या विनोदी कौशल्याने सगळ्यांच्या मनात अधिराज्य गाजवले आहे. भाऊंनी केलेले विनोद व त्यांची स्कीट विसरण्याची वृत्ती यामुळे प्रेक्षकांना त्यांचे विनोद खळखळून हसवतात. तसाच त्यांचा साधेपणा सगळ्यांनाच भावतो. (Bhau Shared Old Photo with Wife Mamata)
त्यांचे फक्त महाराष्ट्रातच नाही तर जगभरात चाहते आहेत. सोशल मीडियावरही त्यांचे लाखो फॉलोवर्स आहेत. ते सोशल मीडियावर बरेच सक्रिय असतात. कामाव्यतिरीक्त वैयक्तिक फोटो व व्हिडिओ ते नेहमीच चाहत्यांसोबत शेअर करत असतात. अशातच नुकत्याच त्यांनी सोशल मीडियावर शेअर केलेल्या फोटोंची बरीच चर्चा होत आहे.
वाचा – भाऊ यांनी केल्या लग्नाच्या आठवणी ताज्या! (Bhau Shared Old Photo with Wife Mamata)
भाऊंनी नुकतेच आपल्या सोशल मीडिया अकाऊंटवर फोटो शेअर केले आहे. ते फोटो पाहून भाऊंचा तारुण्यातील आठवणी चाहत्यांच्या समोर आल्या आहेत. नुकताच भाऊंचा लग्नाचा वाढदिवस साजरा झाला. त्याचं औचित्य साधून त्यांनी लग्नाचे सोनेरी क्षण इन्स्टाग्राम अकाऊंटवर शेअर केले आहेत. त्यांनी लग्नाआधीचे काही खास फोटो शेअर केले आहेत. ज्यात त्यांनी पांढरा शर्ट तर त्यांच्या पत्नी नम्रताने निळ्या रंगाची साडी नेसली आहे. तर दुसरा फोटो त्यांच्या लग्नातला आहे. ज्यात भाऊंनी सुट घातलेला दिसत आहे. त्यांच्या बायकोने गुलाबी शालू घातला आहे. जुने फोटो शेअर करत त्यांनी लग्नाच्या वेळेचे जुने क्षण आठवणी रुपात शेअर केले आहेत.
चाहत्यांनी त्यांच्या फोटोवर लाईक व कमेंटचा वर्षाव केला आहे. एका चाहत्याने कमेंट करत म्हटलं आहे की, “खूप सुंदर आठवणी आहेत. या आठवणी न विसरता ताजा ठेवण्याचा आनंद स्वतःपूरता न ठेवता परिवाराला, मित्रांना, आठवण करून देण्याचा आनंद खूपच रोमांचक आहे”. असं म्हणत त्यांनी भाऊंना शुभेच्छा दिल्या आहेत. तर दुसऱ्या चाहत्यांनी “नंबर वन जोडी” म्हणत त्याने या जोडप्याचं कौतुक केलं आहे.