वडिलांचं प्रेम, वात्सल्य, त्याग व वेदना याची जाणीव ही प्रत्येक मुलाला असते. त्यामुळे याबद्दल कृतज्ञता व्यक्त करण्यासाठी ‘फादर्स डे’ साजरा केला जातो. दरवर्षी प्रमाणे यंदाही जून महिन्याच्या तिसऱ्या रविवारी म्हणजेच आज ‘फादर्स डे’ साजरा केला जात आहे. त्यामुळे सोशल मीडियावर प्रत्येकजण आपल्या वडिलांबरोबर फोटो शेअर करत त्यांच्याविषयी भरभरून लिहित आहे. मराठी कलाकार मंडळींनीदेखील ‘फादर्स डे’ निमित्ताने वडिलांबद्दल खास पोस्ट शेअर करत आहे.
मंजिरी ओकनेही प्रसाद ओकबद्दल एक खास पोस्ट शेअर केली आहे. फादर्स डेनिमित्ताने मंजिरीने प्रसादचे त्याच्या मुलांबरोबरचे खास फोटो शेअर केले असून खास पोस्टद्वारे तिने त्याला ‘फादर्स डे’च्या शुभेच्छाही दिल्या आहेत. यामध्ये मंजिरीने असं म्हटलं आहे की, “‘प्रत्येक यशस्वी पुरुषाच्यामागे एक स्त्री असते’ असं म्हणतात ना?. पण एका यशस्वी आईच्या मागे एक ‘मध्ये मध्ये न येणारा’ बाबा असतो. प्रसाद “तो” बाबा तू आहेस”.
आणखी वाचा – “जे घडले ते…”, निखिल पटेलवर दलजीत कौरच्या मैत्रिणीचे गंभीर आरोप, म्हणाली, “या माणसाने तिच्यावर अन्याय…”
यापुढे तिने असं म्हटलं आहे की, “२-३ वर्षातून एकदाच पालक सभेला जाऊन, मुलांच्या तक्रारी ऐकल्यानंतर तिथून येताना मुलांना कबुतरांना दाणे खायला घालणारा बाबा आहेस तू, “बाबाला विचारून सांगते” असं माझ्या तोंडून ऐकल्यावर त्यावर भाबडेपणाने विश्वास ठेवणारा बाबा आहेस तू. अचानक अभ्यासाविषयी चौकशी करणारा आणि त्यावर स्वतःच हसणारा बाबा आहेस तू. घरात मंजूच बॉस आहे हे आपल्या आयुष्याच्या पहिल्या क्षणापासून स्वीकारणारा बाबा आहेस तू. अचानक कधीही मुलांना “ठीक आहेस ना” असं विचारणारा बाबा आहेस तू”.
यापुढे तिने “मुलांच्या वेगवेगळ्या वयात तुझ्या त्याच वयात राहिलेला बाबा आहेस तू. लहानपणी मुलांना आणलेली खेळणी त्यांच्याशीच भांडून खेळणारा बाबा आहेस तू आणि मोठे झाल्यावर त्यांचे नवे शूज त्यांना न सांगता हळूच घालून जाणारा बाबा आहेस तू. थोडक्यात काय, एका ‘गुणी आईच्या मुलांचा’ बाबा आहेस तू. पण सगळ्यात महत्वाचं म्हणजे मुलांच्या डोळ्यात ज्याच्याविषयी अत्यंत आदर व प्रेम असणारा बाबा आहेस तू.”