Manish Malhotra mother death : गुरुवारी संध्याकाळी फॅशन डिझायनर मनीष मल्होत्राची आई सुदर्शन मल्होत्रा यांचे निधन झाले आहे. यांना अखेरची श्रद्धांजली वाहण्यासाठी अनेक सेलिब्रिटी आले होते, ज्यांचे वयाच्या ९४व्या वर्षी निधन झाले. मनीषच्या मुंबईतील घराबाहेर बॉलिवूड स्टार्सचे अनेक व्हिडीओ आणि फोटो सोशल मीडियावर व्हायरल झाले. ऐश्वर्या राय, अभिषेक बच्चन, कियारा अडवाणी, सिद्धार्थ मल्होत्रा, वरुण धवन आणि त्याची पत्नी नताशा दलाल, करिश्मा कपूर, झोया अख्तर, मलायका अरोरा आणि अर्जुन कपूर दिसले. करण जोहर, अनन्या पांडे, सोनाली बेंद्रे, रवीना टंडन, संजय कपूर, महीप कपूर आणि शनाया कपूरसह अनेक लोक मनीषच्या घरी पोहोचले.
सुदर्शन यांच्यावर शुक्रवारी सकाळी अंत्यसंस्कार होणार आहेत. मनीषच्या टीमने अधिकृत निवेदन जारी करुन अंत्यसंस्काराशी संबंधित माहिती दिली आहे. निवेदनात म्हटले आहे की, “सुंदर जीवन जगल्याबद्दल कृतज्ञतेसह, आम्ही आमच्या प्रिय आई, श्रीमती सुदर्शन मल्होत्रा यांच्या वयाच्या ९४ व्या वर्षी शांततामय निधनाची बातमी शेअर करत आहोत. दीर्घ आणि आनंदी आयुष्याच्या आशीर्वादाने त्या आपल्या मागे अनमोल आठवणी, पिढ्यानपिढ्या प्रेम आणि वारसा सोडून गेल्या आहेत”. त्यात पुढे लिहिले आहे की, “अंत्यसंस्कार २० मार्च २०२६ रोजी सकाळी १० वाजता होणार आहेत. स्थान: हिंदू स्मशानभूमी, सांताक्रूझ पश्चिम, मुंबई. आम्ही तुम्हाला प्रार्थना करण्यासाठी आमंत्रित करतो आणि त्यांना आदरपूर्वक निरोप देतो. ओम शांती”.
आणखी वाचा – गुढीपाडव्याच्या शुभमुहूर्तावर ‘लागिरं झालं जी’ फेम अभिनेत्याने घेतली नवी गाडी; व्हिडीओ समोर
मनीषने अनेकदा सोशल मीडिया प्लॅटफॉर्मवर आपल्या आईबद्दलचे प्रेम व्यक्त केले आहे. गेल्यावर्षी त्यांच्या वाढदिवशी त्याने इन्स्टाग्रामवर शुभेच्छा दिल्या होत्या. आईसोबतचा फोटो शेअर करताना त्याने कॅप्शनमध्ये लिहिले की, “वाढदिवसाच्या शुभेच्छा, माझ्या प्रिय आई.’
आणखी वाचा – भारती सिंहचा लेक दिसतो इतका क्युट, पहिल्यांदाच दाखवला चेहरा, हुबेहूब…
२०२४ मध्ये मदर्स डेला त्याने आईसोबतचे फोटो शेअर केले होते. त्याने पोस्टला कॅप्शन दिले होते, “माझी आई. माझी शक्ती, माझी प्रेरणा आणि माझा जोडीदार, ज्यांच्यासोबत मी माझे आयुष्य नेहमीच आदराने आणि प्रेमाने जगलो आहे. आज सकाळी त्यांच्यासोबत चहा घेताना… लहानपणापासूनचे कपडे आणि चित्रपटांबद्दलच्या प्रेमाला प्रोत्साहन दिल्याबद्दल मी त्यांचे आभार मानत होतो. मातृदिनाच्या शुभेच्छा”.
