Abhijeet Kelkar started business : गुढीपाडव्याचा सण हा साडेतीन मुहूर्तांपैकी एक मानला जातो. या दिवशी मराठी नवीन वर्षाची सुरुवात होते. या शुभ दिवशी अनेकजण आनंदाची बातमी देताना दिसतात. काही जण स्वतःच हक्काचे घर घेतात, काही जण गाडी खरेदी करतात तर काहीजण नव्या व्यवसायात पाऊल ठेवतात. हा शुभ दिवस सगळ्यांसाठीच खूप खास असतो. यंदाच्या गुढीपाडव्यानिमित्त अनेक कलाकारांनी नवीन घर घेत, गाडी घेत चाहत्यांना आनंदाची बातमी दिली. अशातच आता एका मराठमोळ्या अभिनेत्याने गुढीपाडव्याचे औचित्य साधत नव्या व्यवसायात पाऊल टाकल असल्याच सांगितलं आहे. हा मराठमोळा अभिनेता म्हणजे अभिजीत केळकर. अभिजीत सोशल मीडियावर बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो.
अशातच आता अभिजीतने सोशल मीडियावर पोस्ट शेअर करत नव्या व्यवसायात पाऊल टाकले असल्याची खुशखबर चाहत्यांना दिली आहे. यावेळी अभिनेत्याने कोणत्याही कपड्याचा वा हॉटेल बिजनेस न सुरु करता त्यानं थेट मसाल्यांचा व्यवसाय सुरु केला असल्याचं सांगितलं आहे. ‘अस्सल केळकर मसाले’, प्रत्येक घासात अस्सल चव, असं म्हणत त्याने ही आनंदाची बातमी चाहत्यांना दिली आहे.
आणखी वाचा – भारती सिंहचा लेक दिसतो इतका क्युट, पहिल्यांदाच दाखवला चेहरा, हुबेहूब…
“गुढीपाडव्याच्या शुभ मुहूर्तावर माझा स्वतःचा मसल्याचा ब्रँड घेऊन आलोय… तुमचे आशीर्वाद, शुभेच्छा आणि प्रतिसाद हवाय…गणपती बाप्पा मोरया”, असं कॅप्शन देत त्याने नव्या व्यवसायाच्या नावाचा खुलासा केला आहे. अभिजीतच्या या पोस्टवर त्याला अनेकांनी शुभेच्छा दिल्या आहेत. इतकंच नाहीतर अनेक कलाकारांनीही यावर कमेंट करत त्याला शुभेच्छा दिल्या आहेत.
आणखी वाचा – गुढीपाडव्याच्या शुभमुहूर्तावर ‘लागिरं झालं जी’ फेम अभिनेत्याने घेतली नवी गाडी; व्हिडीओ समोर
“अभिनंदन. ऑर्डर करते. लिस्ट पाठव काय काय आहे ते”, अशी कमेंट विशाखा सुभेदार यांनी केली आहे. तर याशिवाय सुकन्या मोने, अभिजीत खांडकेकर, शर्मिष्ठा राऊत, अभिषेक रहाळकर, पल्लवी पाटील, सुयश टिळक या कलाकारांनीही अभिजीतच्या नव्या व्यवसायावर शुभेच्छांचा वर्षाव केला आहे.
