Marathi actor buy new car : मराठी मनोरंजन विश्वातील लोकप्रिय अभिनेता निखिल चव्हाण पुन्हा एकदा चर्चेत आला आहे. गुढीपाडव्याच्या शुभमुहूर्तावर त्याने आपल्या चाहत्यांना एक आनंदाची बातमी दिली आहे. ‘लागिरं झालं जी’ या मालिकेमुळे निखिल घराघरात पोहोचला. विक्रम राऊत (विक्या) या भूमिकेतून त्याने प्रेक्षकांच्या मनात खास स्थान निर्माण केले. मुख्य नायक नसतानाही त्याची भूमिका प्रचंड गाजली. त्यानंतर ‘कारभारी लयभारी’ या मालिकेत त्याने साकारलेला राजवीर सूर्यवंशी प्रेक्षकांना विशेष आवडला. विविध माध्यमांतून तो सातत्याने प्रेक्षकांचे मनोरंजन करत आहे.
याच दरम्यान, गुढीपाडव्याच्या निमित्ताने निखिलने एक मोठी वैयक्तिक उपलब्धी गाठली आहे. त्याने आपल्या कुटुंबासोबत नवीन आलिशान कार खरेदी केली. Tata Harrier ही त्याची ड्रीम कार असून तिच्या खरेदीचा खास व्हिडीओ त्याने सोशल मीडियावर शेअर केला. “नवीन वर्षाची नवीन सुरुवात” असे म्हणत त्याने चाहत्यांना शुभेच्छाही दिल्या. या गाडीची किंमत साधारण १५ लाख ते २५.४ लाख रुपयांच्या दरम्यान असून ही एक प्रीमियम एसयूव्ही आहे. आरामदायी प्रवासासाठी ओळखली जाणारी ही कार पाच जणांसाठी योग्य आहे.
निखिलने ही आनंदाची बातमी शेअर करताच त्याच्यावर शुभेच्छांचा वर्षाव झाला. प्राजक्ता गायकवाड, प्रथमेश परब, माधुरी पवार यांसह अनेक कलाकारांनी त्याचे अभिनंदन केले. एकूणच, गुढीपाडव्याच्या शुभ दिवशी निखिल चव्हाणने आपल्या आयुष्यातील आणखी एक महत्त्वाचा टप्पा गाठला असून, चाहत्यांसाठी ही बातमी आनंदाची ठरली आहे.
आणखी वाचा – “त्यादिवशी मी Antilia कडे बघत होते”, अंकिता वालावलकरने मुंबईत घेतलं नवं घर, फोटो दाखवत म्हणाली, “Risk…”
