सोनी मराठी वाहिनीवरील कायमच चर्चेत असलेला असा आणि लोकप्रिय शो म्हणजे ‘महाराष्ट्राची हास्यजत्रा’. ‘महाराष्ट्राची हास्यजत्रा’ या कार्यक्रमाचे संपूर्ण जगभरात चाहते आहेत. या कार्यक्रमाने आजवर विनोदाच्या जोरावर प्रेक्षकांच्या मनात घर केलं आहे. ‘महाराष्ट्राची हास्यजत्रा’ या कार्यक्रमाच्या पहिल्या भागापासून हास्यजत्रेला प्रेक्षकांचं प्रेम मिळू लागलं. समीर, प्रसाद, नम्रता, गौरव, वनिता आणि हास्यजत्रेतल्या इतर हास्यवीरांनी प्रेक्षकांना आपल्या विनोदांनी व प्रहसनांनी नवी उमेद दिली आहे. (Namrata Sambherao Video)
लॉकडाऊनच्या कठीण काळातही हा कार्यक्रम रसिकांचे मनोरंजन करण्यात यशस्वी ठरला. कलाकारांच्या विनोदाने प्रेक्षकांची मन जिंकली आहेत. केवळ महाराष्ट्रातच नव्हेतर परदेशातील प्रेक्षकांचीही हास्यजत्रेची टीम अनेकदा परदेश दौरा करताना दिसते. काही दिवसांपूर्वीच ‘महाराष्ट्राची हास्यजत्रा’ कार्यक्रमाची टीम सिंगापूर येथे दौऱ्याला गेली होती. सिंगापूर दौरा करताना ही कलाकार मंडळी त्यांच्या कुटुंबियांनाही बरोबर घेऊन गेले होते. त्यानंतर आता ही कलाकार मंडळी आणखी एका परदेश दौऱ्यावर गेले असल्याचं समोर आलं आहे.
‘महाराष्ट्राची हास्यजत्रा’ कार्यक्रमाची टीम सध्या ऑस्ट्रेलिया येथील प्रेक्षकांच्या मनोरंजनासाठी सज्ज झाली आहे. ही टीम सध्या ऑस्ट्रेलिया दौऱ्यावर आहे. ऑस्ट्रेलिया दौऱ्यावर असतानाचे अनेक फोटो, व्हिडीओ ही कलाकार मंडळी त्यांच्या इंस्टाग्राम अकाउंटवरुन तेथे धमाल-मस्ती करतानाचे अनेक व्हिडीओ शेअर करत आहे. अशातच अभिनेत्री नम्रता संभेरावने ऑस्ट्रेलियाहून शेअर केलेल्या एका व्हिडीओने साऱ्यांचं लक्ष वेधून घेतलं आहे.
“गवताचं पात, वाऱ्यावर डोलतय…”, या नम्रताच्या गाण्याची क्रेझ सर्वत्र पसरली आहे. या गाण्यावर नम्रताचा स्किट नेहमीच चर्चेत असतो. आणि प्रेक्षकांच्याही पसंतीस पडतो. अशातच नम्रताने ऑस्ट्रेलियात जाऊन तेथील रस्त्यांवर हास्यजत्रेच्या टीमसह या गाण्यावर ठेका धरलेला पाहायला मिळाला. “गवताचं पातं ऑस्ट्रेलियात डोलतय, वेडेपणाचा कहर”, असं कॅप्शन देत तिने हा मजेशीर व्हिडीओ शेअर केला आहे. सध्या हा व्हिडीओ सोशल मीडियावर तुफान व्हायरल झाला असून या व्हिडीओवर अनेकांनी कमेंट केल्या आहेत. स्वप्नील जोशी, स्पृहा जोशी या कलाकारांनी हसण्याचे इमोजी शेअर केले आहेत.
