बॉलीवूड अभिनेता आमिर खान त्याच्या वैवाहिक आयुष्यामुळे खूप चर्चेत असतो. मागील वर्षी त्याने दुसरी पत्नी किरण रावबरोबर घटस्फोट घेतला. घटस्फोटानंतर दोघंही खूप चर्चेत आले. दरम्यान दोघंही मुलगी नूपुरच्या लग्नावेळी एकत्र दिसले होते तसेच ‘लापता लेडीज’ या चित्रपटाच्या प्रमोशनदरम्यानही एकत्र स्पॉट झाले होते. घटस्फोटाचा कोणताही परिणाम त्यांनी मुलांवर होणार नाही याचीही काळजी घेतली होती. ते वैयक्तिक आयुष्यात वेगळे झाले असले तरीही व्यावसायिक क्षेत्रात मात्र एकत्रिक काम करताना दिसत आहेत. अशातच किरणने आमिरच्या पहिल्या लग्नावर भाष्य केले आहे. (kiran rao on aamir khan)
जेव्हा किरण व आमिर डेट करत होते तेव्हा किरणला टीकेचा सामना करावा लागला होता. ‘लगान’ चित्रपटाच्या वेळी किरण व आमिरमध्ये जवळीक वाढली आणि आमिर व रिनाचा घटस्फोट झाल्याच्या चर्चा सुरू झाल्या. पण या चित्रपटाच्या चित्रीकरणादरम्यान आम्ही एकमेकांशी बोलत नसल्याचा खुलासा किरणने केला आहे. ती म्हणाली की, “बऱ्याच जणांना असं वाटत की मी व आमिर ‘लगान’ या चित्रपटापासून एकत्र आहोत. मात्र असं नसून आम्ही ‘स्वदेस’ या चित्रपटाच्या वेळी एकत्र आलो. ‘लगान’च्या वेळी तो इतर कोणालातरी डेट करत होता. त्यानंतर आम्ही २००४ पासून बाहेर जाण्यास सुरुवात केली. त्यामुळे तेव्हा सर्वांना वाटले की आम्ही ‘लगान’ पासूनच एकत्र आहोत आणि माझ्यामुळे रिना व आमिरचा घटस्फोट झाला. पण हे अजिबात खरं नाही”.
किरण पुढे म्हणाली की, “जेव्हा तुम्ही एखाद्या व्यक्तीबरोबर लग्न करता जो विवाहित असेल तेव्हा भूतकाळातील अनेक गोष्टींचा परिणाम तुमच्या नाट्यावर पडत असतो. त्यामुळे मी कपल कौन्सिलिंगवर भर देते. आम्हीही कपल कौन्सिलिंग केले होते. आम्हाला खूप मदत झाली आणि आम्ही एकमेकांप्रती एकनिष्ठ राहण्याचा निर्णय घेतला.
आमिर खानने १९८६ साली रिना व आमिरने लग्न केले. दोघांनाही आइरा खान व जुनैद अशी दोन मुलं आहेत. लग्नाच्या १६ वर्षांनी आमिरने रिनाला घटस्फोट दिला. नंतर २००५ साली किरण व आमिरने लग्न केले. पण आपापसांत असलेल्या मतभेदांमुळे दोघांनीही २०२१ साली घटस्फोट घेतला.
