‘महाराष्ट्राची हास्यजत्रा’ या कार्यक्रमाने आजवर रसिक प्रेक्षकांची मन जिंकली आहेत. हास्यजत्रेतील प्रत्येक कलाकाराने त्याच्या विनोदी कलाकौशल्याने प्रेक्षकांच्या मनावर राज्य केले आहे. आजवर या कार्यक्रमातील विनोदी स्किटने साऱ्यांच्या मनाचा ठाव घेतला. महाराष्ट्रात तसेच महाराष्ट्राबाहेरही या शोचे लाखो चाहते दिवाने आहेत. या शोमधील वन अँड ओन्ली असं व्यक्तिमत्त्व म्हणजे दत्तू मोरे. दत्तूने त्याच्या विनोदी कलेने त्याच्या खूप मोठा चाहतावर्ग निर्माण केला आहे. काही दिवसांपूर्वीच दत्तू मोरे विवाहबंधनात अडकला. (Dattu More On Wife)
अत्यंत साधेपणाने व कोणताच गाजावाजा न करता दत्तूने लग्न केले. दत्तूने त्याची प्रेयसी स्वाती घुनागेसह विवाहबंधनात अडकला. दत्तू व स्वातीच्या लग्नाचे फोटो समोर येताच साऱ्यांना आश्चर्याचा धक्का बसला. दत्तूची पत्नी ही पेशाने डॉक्टर आहे. स्वाती मुळची पुण्याची असून ती डॉक्टर आहे, विशेष म्हणजे तिचे पुण्यात स्वतःचे क्लिनिक देखील आहे. दत्तू व दत्तूच्या पत्नीने चाहत्यांसह आणखी एक गुडन्यूज शेअर केली आहे. दत्तू मूळचा मुंबईचा आहे. त्यामुळे लग्नानंतर स्वातीही मुंबईत आली आहे. इतकंच नव्हे तर, आता दत्तूच्या बायकोने मुंबईत तिचं स्वतःचं नवं क्लिनिक सुरु केलं असल्याचं समोर आले आहे.
दत्तूने बायकोच्या या नव्या व्यवसायाची सोशल मीडियावरुन गुडन्यूज शेअर केली आहे. दत्तूने बायकोच्या नव्या क्लिनिकबाहेरचा फोटो शेअर करताच त्यावर अनेकांनी कमेंट करत दोघांवर शुभेच्छांचा वर्षांव केला आहे. प्रियदर्शिनी इंदलकर, प्रभाकर मोरे, चेतना भेट, श्याम राजपूत या ‘महाराष्ट्राची हास्यजत्रा’मधील कलाकारांनी तसेच अनेक चाहत्यांनी अभिनंदनाचा वर्षाव केला आहे. दत्तू व त्याच्या बायकोने टाकलेलं त्यांच्या आयुष्यातील या पावलाचं सगळेच कौतुक करत आहेत.
सोशल मीडियावरही दत्तू बऱ्यापैकी सक्रिय असतो. नेहमीच तो काही ना काही शेअर करत चाहत्यांच्या संपर्कात राहत असतो. अशातच दत्तूने सोशल मीडियावरुन शेअर केलेल्या या पोस्टसह कॅप्शन देत त्याने लिहिलं आहे की, “आयुष्य कितीही कठीण वाटत असले तरी तुम्ही सोप्प करु शकता आणि यशस्वी होऊ शकता. घुनागे हॉस्पिटलनंतर बायकोचं ठाण्यातील पहिलं क्लिनिक. अजून एक नवीन सुरुवात. प्रिय बायको, तुला खूप खूप शुभेच्छा आणि खूप खूप प्रेम” असं म्हणत त्याने बायकोचं कौतुक करत तिला शुभेच्छाही दिल्या आहेत.