कलाकाराला त्याच्या अंगभूत कला या कधीही स्वस्थ बसू देत नाहीत आणि कलाकारही त्याच्या अंगभूत कलांना वाट मोकळी करुन देत असतो. असंच काहीसं झालं आहे ‘महाराष्ट्राची हास्यजत्रा’ फेम अभिनेते अरुण कदम यांच्याबरोबर. महाराष्ट्राची हास्यजत्रा या शोनधून अरुण कदम हे सध्या प्रेक्षकांना हसवण्याचे काम करत आहेत. मराठी मनोरंजनसृष्टीतील लोकप्रिय अभिनेते अरुण कदम यांनी आपल्या विनोदी शैलीनं वेगळीच छाप उमटवली आहे. ‘लाडका दादूस’ म्हणून त्यांची चांगलीच लोकप्रियता आहे. अरुण कदम यांनी आजवर अनेक रिअॅलिटी शोजमधून विनोदी भूमिका साकारत प्रेक्षकांचे मनोरंजन केले आहे. सध्या ते ‘महाराष्ट्राची हास्यजत्रा’ या लोकप्रिय विनोदी कार्यक्रमातून प्रेक्षकांना खळखळून हसवण्याचं काम करत आहे.
आपल्या विनोदी अभिनयाने चर्चेत राहणारे अरुण कदम हे सोशल मीडियाद्वारेही तितकेच चर्चेत राहत असतात. सोशल मीडियावर ते त्यांचे अनेक फोटो व व्हिडीओ शेअर करत चाहत्यांच्या संपर्कात राहत असतात. तर कधी ते त्यांच्या लाडक्या नातवाचे काही मजेशीर व्हिडीओही शेअर करत असतात. त्यांच्या या फोटो व व्हिडीओला चाहत्यांकडूनही चांगलाच प्रतिसाद मिळताना पाहायला मिळतो. अशातच अरुण कदम यांनी त्यांच्या इन्स्टाग्राम अकाऊंटद्वारे शेअर केलेला एक व्हिडीओ सध्या सर्वांचेच लक्ष वेधून घेत आहे.
अरुण कदम यांनी त्यांच्या इन्स्टाग्राम अकाऊंटवर एक खास व्हिडीओ शेअर केला आहे. ज्यामध्ये ते तबला वादन करत असल्याचे पाहायला मिळत आहे. अरुण कदम हे वस्त्रहरण नाटकात काम करत असून् आच नाटकातील वेशभुषेमध्ये ते तबला वाजवत असल्याचे पाहायला मिळत आहेत. दरम्यान् तबला वाजवत असतानाची तारांबळही या व्हिडीओमधू दिसत आहे. तरीही तबला वाजवतानाचा आनंद त्यांच्या चेहऱ्यावर ओसंडून वाहत असल्याचे या व्हिडीओमध्ये पाहायला मिळत आहे.
आणखी वाचा –
अरुण कदम यांनी शेअर केलेल्या या व्हिडीओला चाहत्यांनीही चांगलाच प्रतिसाद दिला आहे. “दादा मस्तच”, “छान”, “खोडकर अरुण दादा” अशा अनेक कमेंट्स करत या व्हिडीओला प्रतिसाद दिला आहे. दरम्यान, ‘वस्त्रहरण’ या नाटकातूनही प्रेक्षकांचे मनोरंजन करत आहेत. ‘वस्त्रहरण’ या नाटकाची सध्या रंगभूमीवर प्रचंड चर्चा सुरु आहे आणि या नाटकात अरुण कदम यांनी शकुनी मामाची भूमिका साकारत आहेत.