छोट्या पडद्यावरील ‘महाराष्ट्राची हास्यजत्रा’ हा कार्यक्रम गेल्या अनेक वर्षांपासून प्रेक्षकांचे मनोरंजन करत आहे. या कार्यक्रमातून अनेक नव्या दमाचे कलाकार पुढे आले असून अभिनेत्री शिवाली परबला याच कार्यक्रमामुळे प्रचंड लोकप्रियता मिळाली. शिवालीच्या विनोदी अभिनयाचा मोठा चाहतावर्ग आहे. त्याचबरोबर तिच्या लूकचीही वारंवार चर्चा होत असते. हास्यजत्रेबरोबर चित्रपट व म्युझिक व्हिडिओमध्ये देखील ती झळकली आहे. (Shivali Parab share a Video)
काही महिन्यांपूर्वी शिवालीचं “पायल वाजे” हे म्युझिक व्हिडिओ प्रेक्षकांच्या भेटीला आलेलं होतं, जे प्रचंड गाजलं आहे. या गाण्याच्या प्रमोशनसाठी शिवाली नाशिकला गेली होती. यावेळी शिवालीचं नाशिककरांनी केलेलं आदरातिथ्य पाहून शिवाली भारावली. तसेच लहान मुलांशी संवाद साधताना आणि त्यांना ऑटोग्राफ देताना तिला यावेळी प्रचंड आनंद झाला होता.
त्याचबरोबर तिने या व्हिडिओत अनेक गोष्टींचा खुलासा करताना म्हणाली, “मी याआधी गुजराती चित्रपट करायचे, कारण तिथे पैसे चांगले मिळतात. पण तिकडे मी झाडू मारण्यापासून ते कलाकारांचे कपडे इस्त्री करण्यापासून अनेक गोष्टी केल्या आहे, आणि तिथे त्यांना बघून मी शिकले.” त्याचबरोबर ती हेदेखील म्हणाली, “जिथे मी एडिटिंग शिकले, त्या संस्थेसाठी मी लोकांच्या लग्नात जायचे. त्यांचे ट्रॅडिशनल व्हिडिओ शूट करायचे. माझ्याकडे त्या ट्रॅडिशनल व्हिडिओ एडिटिंगचं डिपार्टमेंट होतं, त्याचं एडिटिंग मी करायचे.”
हे देखील वाचा – ‘गडकरी’ चित्रपटात नितिन गडकरींच्या भूमिकेत झळकणार ‘हा’ अभिनेता, चित्रपटातील फर्स्ट लूक समोर
शिवालीने हा व्हिडिओ तिच्या इंस्टाग्राम अकाऊंटवर शेअर केला आहे. शेअर केलेल्या व्हिडिओमध्ये तिने नाशिककरांचे आभार मानले. ती यामध्ये म्हणाली, “तरुण मुलं-मुली, वयस्कर आजी-आजोबा, नोकरदार वर्ग, गृहिणी असे अनेक जण मला भेटतात, कौतुक करतात. पण जेव्हा लहान मुलं येऊन भेटतात आणि आपल्या कामाचं कौतुक करतात, ते काही वेगळंच असतं. तुम्ही मला इतकं प्रेम दिल्याबद्दल नाशिककर तुमचे आभार.”, असं म्हणत तिने ‘पायल वाजे’ गाणं यूट्यूबवर पाहण्याचे आवाहन केले आहे.
हे देखील वाचा – लवकरच विवाहबंधनात अडकणार जुई गडकरी, लग्नाबाबत प्रश्न विचारताच म्हणाली, “पत्रिका…”
‘महाराष्ट्राची हास्यजत्रा’ कार्यक्रमात शिवालीने मोना डार्लिंग, शिवाली अवली कोहली यांसारखे अनेक पात्र गाजवली आहे. शिवाय, ती ‘प्रेम, प्रथा, धुमशान’ चित्रपटातील बोल्ड सीनची जोरदार चर्चा झाली. सोशल मीडियावर ती प्रचंड सक्रिय असून तिच्या रील्ससह फोटोशूट्सची नेहमीच चर्चा होत असते.
