sunita ahuja on Govinda extra marital affairs : गोविंदाची पत्नी सुनीता आहुजा हिने त्याच्या एक्स्ट्रा मॅरिटल अफेअर्सबद्दल अनेकदा बोलले आहे. नुकतीच ती ‘लॉकअप 2’ मध्ये याविषयी बोलताना दिसली होती. तिने सह-स्पर्धक श्रेया कालराला सांगितले की ती आता तिच्या मुलांसाठी जगते आणि गोविंदापासून पुढे गेली आहे. तसेच अफेअरच्या मुद्द्यावर ती म्हणाली होती की ती कोणाला रोखू शकत नाही आणि हे सुरुवातीपासूनच सुरू आहे. 2025 मध्ये सुनीता आणि गोविंदाच्या घटस्फोटाच्या बातम्याही आल्या होत्या. मात्र, नंतर त्या अफवा असल्याचे फेटाळण्यात आले. अफेअरच्या आरोपांदरम्यान आता सुनीताने तिच्या लग्नाचा आणि गोविंदाचा बचाव केला आहे. गोविंदा आणि सुनीता यांचे १९८७ मध्ये लग्न झाले आणि ते दोन मुलांचे पालक झाले. आत्तापर्यंत गोविंदाचे नाव अनेक अभिनेत्रींसोबत जोडले गेले असून अफेअर्सच्या बातम्या आल्या आहेत.
काही महिन्यांपूर्वी सुनीताने एका पॉडकास्टमध्ये दावा केला होता की, तिच्या लग्नात फसवणूक झाल्यामुळे तिला खूप त्रास सहन करावा लागला. त्याचवेळी, नुकतेच ‘लॉक अप 2’ मध्ये जेव्हा शिल्पा शिंदेने गोविंदावरील आरोपांवरून सुनीताला कोंडीत पकडण्याचा प्रयत्न केला तेव्हा तिने तुझ्यासोबत काही होईल तेव्हाच कळेल असे सांगून अभिनेत्रीला बोलण्यापासून रोखले. जास्त बोलू नको असं म्हटलं. आता ५९ वर्षीय सुनीता आहुजाने लग्नाचा बचाव करताना पुन्हा जोरदार प्रत्युत्तर दिले आहे. लॉक अप 2 च्या लेटेस्ट एपिसोडमध्ये ती म्हणाली, “तो माझा नवरा आहे. त्याचे 10 ठिकाणी अफेअर असले तरी मी त्याला सोडणार नाही. मी मरेपर्यंत त्याच्यावर प्रेम करीन. अगदी ‘बिग बॉस’नेही X वर हे विधान शेअर केले आहे”. सुनीता आहुजा पुढे म्हणाली, “माझ्या नात्यात ढवळाढवळ करण्याचा अधिकार कोणाला नाही. माझ्या कुटुंबाबद्दल बोलू नका. माझा नवरा आहे. त्याचे ५० अफेअर झाले तरी तुझ्या बापाचे काय होणार? तो माझा नवरा आहे. मी त्याची पत्नी आहे”.
आणखी वाचा – निकाह की सात फेरे?, आमिर खान त्याच्या मैत्रिणीशी कोणत्या पद्धतीने लग्न करणार?, येणार इतकेच पाहुणे…
Agar itna hi mera pati mera pati karana hai toh kyoun har jagah har waqt uski respect ki dhajiyan udai ja rahi hain #SunitaAhuja #Lockupp #Lockupp2— Lotika Vij /SreeFam ♥️♥️ (@Masume864773) July 6, 2026
मात्र, आता सुनीताच्या या वक्तव्यावर यूजर्स संतापले आहेत. नेटकऱ्यांनी ट्विट करत असे लिहिले आहे की, ‘माझा नवरा, माझा नवरा करायचा आहे मग मी सगळीकडे त्याची इज्जत का काढते”. दुसऱ्याने लिहिले, “तिचा धंदा फक्त गोविंदाला शिव्या देऊन चालतो. अर्थात, ती म्हणेल की तो तिचा नवरा आहे. मामीला अपमानित करून रिॲलिटी शो मिळाला”. एकाने सांगितले, “ती नेहमी गोविंदाच्या विरोधात बोलते आणि तरीही माझा नवरा, माझा नवरा म्हणते”.
आणखी वाचा – “माझे मुलींशी संबंध आहेत”, गौरव खन्नाची पत्नी आकांक्षाचा ऑन कॅमेरा खुलासा, ढसाढसा रडली
त्याचबरोबर सुनीता आहुजा देखील सोशल मीडियावर वापरकर्त्यांच्या लक्ष्यावर आहे कारण ती शोमध्ये खूप गैरवर्तन करताना दिसत आहे. सुनीताने निर्मात्यांना शिवीगाळही केली. चाहत्यांनाही तिची ही वागणूक आवडली नाही. अनेकदा अध्यात्माविषयी बोलणारी आणि बडबड करत दिसणाऱ्या सुनीताचा ‘लॉक अप 2’मध्ये वेगळाच लूक होता. हे पाहून युजर्स सोशल मीडियावर विचारू लागले की, गोविंदा त्याची पत्नी सुनीताला कसे सहन करतो?
