गेल्या अनेक दिवसांत मराठीतील अनेक कलाकार मंडळींनी अभिनयाव्यतिरिक्त उद्योग क्षेत्रातही त्यांची एक वेगळी ओळख निर्माण करण्याचा प्रयत्न केला आहे. मराठी नाटक, मालिका किंवा चित्रपट या माध्यमांद्वारे प्रेक्षकांचे मनोरंजन करण्याव्यतिरिक्त ही कलाकार मंडळी स्वत:च्या व्यवसायातही आपला ठसा उमटवत आहेत. सुप्रिया पाठारे, निरंजन कुलकर्णी, अभिज्ञा भावे, तेजस्विनी पंडित, प्रार्थना बेहरे, यशोमान आपटे, श्रेया बुगडे, अरबाज शेख, हार्दिक जोशीसारख्या अनेक कलाकारांनी छोटासा का होईना स्वत:चा व्यवसाय सुरु करत उद्योग क्षेत्रात पदार्पण केले आहे.
यात आता आणखी एक लोकप्रिय अभिनेत्याची भर पडली आहे. ‘लागीरं झालं जी’ मालिकेतील ‘टॅलेंट’ म्हणजेच महेश जाधवनेही उद्योग क्षेत्रात पदार्पण केलं आहे. महेश जाधवने फलटणमध्ये स्वतःचा फूड ट्रक सुरू केला आहे. ‘हॅलो शॉरमा’, असं फूड ट्रकचं नाव आहे. काल, ११ जानेवारीपासून हा फूड ट्रक महेशने मित्राच्या साथीने सुरू केला आहे. यासंदर्भात अभिनेत्याने सोशल मीडियावर एक व्हिडीओ शेअर केला आहे. हा फूड ट्रक फलटणमधल्या डीएड चौकात असून, या खास व्हिडीओद्वारे शक्य असल्यास भेट देण्याचं आवाहनही त्याने केलं आहे.
आणखी वाचा – रामाची भूमिका साकारण्यावरुन अरुण गोविल यांनी रणबीर कपूरबाबत केलेलं विधान चर्चेत, म्हणाले, “या भूमिकेसाठी…”
महेशच्या या नवीन व्यवसायाला मराठी कलाकार मंडळींकडूनही चांगलाच प्रतिसाद मिळत आहे. अक्षया देवधर, किरण गायकवाड, रोहित चव्हाण, अनुष्का सरकटे, महेश घाग यासह मराठी मनोरंजन विश्वातील अनेक कलाकारांनी महेशला त्याच्या या नवीन व्यवसायासाठी शुभेच्छा दिल्या आहेत. तसेच त्याचे कौतुकही केले आहे. त्याचबरोबर त्याच्या अनेक चाहत्यांनीदेखील त्याचे नवीन व्यवसायानिमित्त कौतुक करत त्याला शुभेच्छा दिल्या आहेत.
आणखी वाचा – लेकीच्या डेटच्या चर्चांना बोनी कपूर यांनी दिला पूर्णविराम?, शिखर पहाडियाबरोबर दिसले पण…; नेमकं काय घडलं?
दरम्यान, महेशने ‘लागीर झालं जी’ मालिकेसह ‘कारभारी लय भारी’ सारख्या अनेक मालिकेतही अभिनय केला आहे. पण त्याच्या लागीर झालं जी मालिकेतील टॅलेंट या पात्राने प्रेक्षकांच्या मनावर अधिराज्य गाजवले. मालिकांशिवाय अनेक मराठी चित्रपटांद्वारे मोठ्या पडद्यावरही तो झळकला आहे. इतकंच नाही तर अभिनयासोबत महेशनं क्रिडा क्षेत्रातही आपली वेगळी ओळख निर्माण केली आहे.
