टेलिव्हिजन इंडस्ट्रीतील सुप्रसिद्ध अभिनेते विकास सेठी यांचे निधन झाले आहे. आज या अभिनेत्याने अखेरचा श्वास घेतला. अभिनेत्याच्या मृत्यूचे कारण हृदयविकाराचा झटका असल्याचे सांगितले जात आहे. अनेक उत्कृष्ट टीव्ही शो व्यतिरिक्त अभिनेता ‘कभी खुशी कभी गम’ या सुपरहिट चित्रपटात देखील दिसला आहे. काही वर्षांपूर्वी आर्थिक अडचणींमुळे अभिनेता नैराश्यात असल्याच्या बातम्या आल्या होत्या. नुकत्याच आलेल्या रिपोर्टनुसार, ४८ वर्षीय अभिनेता विकास सेठी यांना घरी झोपताना हृदयविकाराचा झटका आला. यावेळी त्यांची पत्नी व मुले घरात उपस्थित होती. (Vikas Sethi Passes Away)
विकासचे लग्न जान्हवीशी झाले होते, जी एनजीओ चालवते आणि तिला जुळी मुले आहेत. विकास सेठी टेलिव्हिजनच्या लोकप्रिय मालिका ‘क्यूंकी सास भी कभी बहू थी’, ‘कसौटी जिंदगी की’, ‘कही तो होगा’, ‘गीत हुई सबसे पराई’, ‘उत्तरन’ आणि ‘ससुराल सिमरका’ यांमध्ये तो झळकला. याशिवाय, अभिनेता पत्नी जान्हवीबरोबर ‘नच बलिए’च्या चौथ्या सीझनमध्ये सहभागी झाला आहे.
टीव्ही शो व्यतिरिक्त, विकास सेठी २००१ मध्ये आलेल्या ‘कभी खुशी कभी गम’ या सुपरहिट चित्रपटातही दिसला आहे. या चित्रपटात त्याने करीना कपूरचा कॉलेज मित्र रणधीर उर्फ रॉबीची भूमिका साकारली होती. विकास सेठीच्या आधी जॉन अब्राहमला ही भूमिका देण्यात आली होती. कमी स्क्रीन टाइममुळे जॉनने चित्रपट नाकारला होता, त्यानंतर विकास सेठीला ही भूमिका मिळाली. याशिवाय विकास २००१ मध्ये आलेल्या ‘दिवानापन’ चित्रपटातही दिसला आहे. तो शेवटचा तेलगू विज्ञान काल्पनिक चित्रपट ‘इस्मार्ट शंकर’मध्ये दिसला होता.
आणखी वाचा – मुलगी झाली हो! गणेशोत्सवादरम्यानच दीपिका-रणवीरच्या घरी चिमुकलीचे आगमन, गोंडस मुलीला दिला जन्म
२००३ मध्ये रिलीज झालेल्या ‘उप्स’ या चित्रपटात विकास सेठीने मुख्य भूमिका साकारली होती. या चित्रपटाची निर्मिती दीपक तिजोरी यांनी केली होती, जरी चित्रपटाच्या ठळक आशयामुळे निषेध करण्यात आला होता. विकास सेठीची पत्नी जान्हवी एक NGO चालवते, जी मानसिक आरोग्याच्या समस्यांवर काम करते. विकास सेठी त्याच्या रंजक प्रेमकथेमुळे अनेकवेळा चर्चेत आला आहे. एका मुलाखतीत विकासने सांगितले होते की, लग्नापूर्वी तो आणि जान्हवी चांगले मित्र होते. दोघांनीही एकमेकांना कधीच प्रपोज केले नाही. एक दिवस जेवताना विकासने जान्हवीला आईला भेटायला सांगितले. दुसऱ्या दिवशी ती आईला भेटताच भेटीनंतर त्यांचे लग्न निश्चित झाले.
