अभिनेता, कॉमेडियन कृष्णा अभिषेकने नुकत्याच एका कार्यक्रमात त्याची बहीण ‘बिग बॉस १३’ची स्पर्धक व टीव्ही अभिनेत्री आरती सिंह ही लवकरच तिचा बॉयफ्रेंड दीपक चौहानशी लग्न करणार असल्याचं सांगितलं. दोघे एक वर्षापासून डेट करत असून एप्रिल किंवा मेमध्ये लग्नबंधनात अडकणार आहेत. ‘ओएमजी’ या शोच्या १०व्या सीझनच्या लॉन्चिंगवेळी कृष्णाने या बातमीला दुजोरा दिला. (Krushna Abhishek And Govinda)
कृष्णा अभिषेकने त्याची बहीण आरती सिंहच्या लग्नाबाबतची मोठी बातमी शेअर केली. यावेळी त्याने खुलासा केला की, आरती तिचा प्रियकर दिपक चौहानसह लग्न करणार आहे. लग्नाच्या तपशीलाबद्दल विचारले असता, कृष्णाने सांगितले की, “लग्नबाबतचे सर्व अपडेट अधिकृतरित्या घोषित केले जातील”. आणि गंमतीने सांगितले की, त्याला आशा आहे की, आरती खर्चावर नियंत्रण ठेवेल.
एक विशेष वैशिष्ट्य म्हणजे कृष्णाने हेदेखील सांगितले की, “बॉलीवूड सुपरस्टार गोविंदा आणि सुनीता या त्यांच्या मामा मामींना लग्नाचे आमंत्रण पहिले देण्यात येईल. भूतकाळातील मतभेद असूनही, कृष्णाने आरतीच्या विशेष दिवसासाठी त्यांच्या कुटुंबातील एकतेवर विश्वास व्यक्त केला. तो म्हणाला, “सगळ्यात पहिलं निमंत्रण हे त्यांना देण्यात येईल. तो माझा मामा आहे, आमच्यात काही मतभेद झाले आहेत जो एक वेगळा मुद्दा आहे पण पहिली लग्नपत्रिका त्यांच्याकडे जाईल आणि तो निश्चितपणे लग्नाला उपस्थित राहणार आहे” असंही म्हणाला.
आरती सिंह सध्या लग्न करण्यास सज्ज झाली आहे. यासाठी तिची लगीनघाई सुरु असून ती तिची मुंबईत लग्नसाठीची जागा शोधत आहे. येत्या एप्रिल किंवा मेमध्ये ती लग्न करण्याचा विचार करत आहे.
