Ankita Walawalkar Gauri Puja : महाराष्ट्रात गणेशोत्सवाची धामधूम सुरु असतानाच गौराईच्या आगमनानेही सर्वत्र मंगलमय वातावरण झालेलं पाहायला मिळत आहे. गौरी पूजन, गौरी आवाहन यासाठी समस्त महिलावर्ग नेहमीच तत्पर असतो. महाराष्ट्रातील प्रत्येक भागात गौरी पूजनाची पद्धत वेगवेगळी असल्याचं पाहायला मिळतं. कोकणात तर गणेशोत्सव आणि गौरीपूजन याची वेगळीच धामधूम पाहायला मिळते. गौरी पूजनावेळी वौसा ही प्रथा असून कोकणात तर मोठ्या उत्साहात ही पद्धत वापरली जाते. काल गौरी पूजनावेळी साऱ्यांनी वौसा भरत परंपरा जपली. नववधूंसाठी यंदाचा हा वौसा पहिलाच असल्याचं पाहायला मिळालं.
अशातच सर्वांची लाडकी कोकणहार्टेड गर्ल अंकिता वालावलकरनेही यंदा गौरी पूजनावेळी वौसा भरला. याचा सुंदर असा व्हिडीओ तिने इंस्टाग्राम अकाउंटवर शेअर केला आहे. अंकिताने लग्नानंतरचा पहिला गणेशोत्सव साजरा केला. आधी ती माहेरच्या बाप्पाची प्राणप्रतिष्ठा करुन तिच्या सासरच्या घरी म्हणजेच अलिबागला पोहोचली. अंकिताचा लग्नानंतरचा पहिला वौसा अगदी थाटामाटात साजरा केला असल्याचं पाहायला मिळालं.
आणखी वाचा – Priya Marathe Death : मोठा धक्का! सुप्रसिद्ध अभिनेत्री प्रिया मराठेचे निधन, मराठी कलाविश्वावर शोककळा
सासरच्या घरी साऱ्यांनीच अंकिताच्या पहिल्या वौसाला भरभरून दाद दिली. अंकिताचा नवरा कुणाल व तिची सासू देखील उपस्थित होती. पहिलाच वौसा असल्याने अंकिताला पाच सूप डोक्यावर घेऊन गौरी पूजनाला जावे लागले. यावेळी तिला सर्व प्रथा, परंपरा शिकवायला तिची सासू सोबत होती. कोकणातील परंपरेनुसार अंकिताने गौरीपूजन करत वौसा भरला, आणि याचा सुंदर असा व्हिडीओ इंस्टाग्रामवर शेअर केला. गौरीपूजनासाठी अंकिताने खास पारंपरिक साडी नेसली होती.
अंकिताच्या या व्हिडीओवर शुभेच्छांचा वर्षाव होताना पाहायला मिळत आहे. “माझं पहिलं गौरी पूजन. खूप खास क्षण… लग्नानंतरचा पहिला सण, नवीन घरातलं पहिलं पूजन, आणि सगळ्यांच्या आशीर्वादातली सुंदर आठवण”, असं कॅप्शन देत तिने हा सुंदर असा व्हिडीओ शेअर केला आहे. या व्हिडीओवर नेटकऱ्यांनी भरभरुन कमेंट्स करत अंकिताच्या लूकच कौतुक केलं आहे.
