Priya Marathe Last Rites : मराठी सिनेविश्वातून खळबळजनक बातमी समोर आली आहे. वयाच्या अवघ्या ३८व्या वर्षी प्रिया मराठेचे निधन झाले. अभिनेत्री बऱ्याच काळापासून कॅन्सरशी झुंज देत होती. तिच्या या लढाईत ती अयशस्वी ठरली. अभिनेत्रीला पती शंतनू मोघेने या काळात बरीच साथ दिली. पण तिची कॅन्सरशी सुरु असलेली झुंज अपयशी ठरली. ३१ ऑगस्ट रोजी वयाच्या ३८ व्या वर्षी तिने अखेरचा श्वास घेतला. कर्करोगाशी लढा अपयशी ठरली आणि रविवारी पहाटे ४ वाजण्याच्या सुमारास तिचे मीरारोड याठिकाणी निधन झाले.
आजारपणातही प्रिया मराठे काम करत होती. पण घेतलेल्या उपचाराने ती थकत असल्या कारणास्तव तिने मालिकांमध्ये अभिनय करणे सोडून दिले. ऑगस्ट २०२४ पर्यंत प्रिया तिच्या सोशल मीडियावर विशेष सक्रिय होती. ती शेवटचे ‘तू भेटशी नव्याने’ या मालिकेत अभिनेत्री शिवानी सोनार आणि अभिनेता सुबोध भावे यांच्यासह झळकली होती. प्रियाच्या निधनाने संपूर्ण कलाविश्वाला मोठा धक्का बसला आहे.
आणखी वाचा – Priya Marathe Death : मोठा धक्का! सुप्रसिद्ध अभिनेत्री प्रिया मराठेचे निधन, मराठी कलाविश्वावर शोककळा
अभिनेत्रीच्या अंतिम दर्शनाला अनेक कलाकार मंडळी तिच्या राहत्या घरी जमले. यावेळी सगळ्यांचे डोळे पाणावलेले पाहायला मिळाले. अभिनेता अभिजीत खांडकेकर, प्रार्थना बेहेरे, शर्मिला शिंदे, शाल्मली टोळ्ये, ओमप्रकाश शिंदे, दिग्दर्शक विजू माने आणि इतर कलाकार उपस्थित होते. यावेळी सगळेच एकमेकांना धीर देत ढसाढसा रडताना दिसले. अर्थात माध्यमांद्वारे समोर आलेल्या व्हिडीओमधील हे भावुक करणारे दृश्य होतेच शिवाय या व्हिडीओने मन हेलावून टाकले.
