हिंदी मनोरंजन सृष्टीतून नुकतीच एक दु:खद बातमी समोर आली आहे. ‘दंगल’ या लोकप्रिय चित्रपटात साकारलेल्या भूमिकेने तिने अनेकांचे लक्ष वेधून घेतले होते. अभिनेत्री सुहानी भटनागर हिच्या अचानक झालेल्या निधनाने सिनेइंडस्ट्रीला मोठा धक्का बसला आहे. दंगल’मध्ये तिने आमिर खानच्या छोट्या मुलीची भूमिका साकारली होती. मात्र वयाच्या अवघ्या १९व्या वर्षी तिने आपला जीव गमावावा लागलं आहे आणि ती घेत असलेल्या औषधांनी तिचा जीव घेतला असं म्हटलं जात आहे.
सुहानीच्या मृत्यूचं मुख्य कारण म्हणजे तिच्या शरीरात भरलेलं पाणी. काही महिन्यांपूर्वी तिचा मोठा अपघात झाला होता. त्यातून अभिनेत्री बचावली होती. मात्र तिच्या पायाला फ्रॅक्चर झाला होता आणि ते बरं करण्यासाठी सुहानीने ज्या गोळ्या घेतल्या होत्या त्या औषधांचा दुष्परिणाम झाला आणि तिच्या शरीरात हळू हळू पाणी भरू लागलं.
औषधांच्या शरीरावरील दुष्परिणामामुळे सुहानीला आपला जीव गमवावा लागला आहे. ती अनेक दिवस दिल्लीच्या एम्स रुग्णालयात उपचार घेत होती. त्यामुळे डॉक्टरांनी शर्थीचे प्रयत्न करुनही तिला वाचवण्यात यश आले नाही. १७ फेब्रुवारी २०२४ रोजी सुहानीचा उपचारादरम्यान मृत्यू झाला.
सुहानी भटनागरने २०१६मध्ये आमिर खानच्या ‘दंगल’ चित्रपटातून बॉलिवूडमध्ये पदार्पण केले. सुहानीला गाण्याची आणि नृत्याची खूप आवड होती. दंगल’मधील बापू सेहत के लीये तू हानिकारक है या गाण्यात तिचा अभिनय प्रेक्षकांणा आवडला होता. चित्रपटात तिच्याअ छोट्या भूमिकेनेही तिने प्रेक्षकांचे चांगलेच लक्ष वेधून घेतले होते.
दरम्यान, सुहानीच्या निधनाच्या वृत्तावर सिनेसृष्टीतील अनेक कलाकारांनी शोक व्यक्त केला आहे. अगदी तरुण वयातच सुहानीने जगाचा निरोप घेतला असल्याने अनेकांकडून तिच्या निधनावर हळहळ व्यक्त केली जात आहे. सुहानीवर आज म्हणजेच शनिवारी फरीदाबादमधील अजरौंडा स्मशानभूमीत अंत्यसंस्कार करण्यात येणार आहेत.