छोट्या पडद्यावरील ‘सारेगमप लिटील चॅम्प्स’ या सिंगिंग शोमधून घराघरात पोहोचलेली केतकी माटेगावकर आज मराठी सिनेसृष्टीतील आघाडीच्या गायिकांमध्ये ओळखली जात आहे. गायनाबरोबर केतकी उत्तम अभिनेत्रीसुद्धा असून तिने आजवर केलेल्या अनेक चित्रपटांमध्ये आपला अभिनयाची छाप पाडली आहे. शिवाय तिच्या ग्लॅमरस लूकमुळेच ती महाराष्ट्रातील असंख्य तरुणांची क्रश बनली आहे. (Ketaki Mategaonkar)
गायिका आणि अभिनेत्री केतकी माटेगावकर अभिनय क्षेत्रात काम करण्याबरोबर अनेक ठिकाणी गायनाचे कार्यक्रमही करत असते. तिच्या या कार्यक्रमांना नेहमीच प्रतिसाद मिळतो. शिवाय ती सोशल मीडियावर फारच सक्रिय असून तिच्या फोटोशूट्सची नेहमीच चर्चा होत राहते. अशातच केतकीने मराठी गाण्यांना मिळणाऱ्या कमी प्रतिसादासोबत संताप व्यक्त करताना मराठी गाण्यांच्या मार्केटिंगबद्दल स्पष्टच बोलली आहे.
काय म्हणाली केतकी माटेगावकर ? (Ketaki Mategaonkar on Marathi Songs)
केतकी माटेगावकर म्हणाली, “आपलेच लोक मराठी गाणी ऐकायला तयार होत नाहीत. तेच जर साऊथमधील एखादं गाणं आलं की, डोक्यावर घेतलं जातं. जेव्हा माझं ‘प्रियकरा…’ गाणं आलं तेव्हा हे साऊथमधलं कोणतं गाणं आहे? असं विचारलं, त्यावेळेस मला धक्काच बसला. आपल्याच लोकांना नवी मराठी गाणी माहीत नसतात, त्यांचीही काही जबाबदारी असते. सगळ्याच गाण्यांवर थिरकता येत नाही, तर काही गाणी फक्त लक्षात ठेवली जातात.”
“आज प्रसिद्धीची अनेक माध्यमं असूनही त्यात मराठी गाणं झाकोळलं गेलंय. मी रसिकांना मराठी गाण्यांबाबत ‘अपडेट’ राहण्याची विनंती करते. शिवाय निर्मात्यांसह सिनेमाच्या सगळ्या टीमनेही ही गाणी रसिकांपर्यंत पोहोचवण्यासाठी योग्य मार्केटिंग केलं पाहिजे”, असं केतकी म्हणाली. (Ketaki Mategaonkar on Marathi Songs)
अभिनेत्री केतकी माटेगावकर लवकरच ‘अंकुश’ या आगामी चित्रपटातून प्रेक्षकांच्या भेटीला येणार आहे. (Ketaki Mategaonkar)