बॉलिवूड स्टार सलमान खान व कतरिना कैफ यांचा बहुचर्चित ‘टायगर ३’ चित्रपट नुकतंच प्रेक्षकांच्या भेटीला आला. दिवाळीच्या मुहूर्तावर हा चित्रपट प्रदर्शित झाला. तेव्हापासून प्रेक्षक तो पाहण्यासाठी पहिल्याच दिवसांपासून मोठी गर्दी करत आहे. चित्रपटाच्या बॉक्स ऑफिस कलेक्शनबद्दल बोलायचं झाल्यास, अवघ्या ५ दिवसांत तब्बल २०० कोटींची कमाई केली. एकूणच, धमाकेदार ॲक्शन सीन्स आणि कलाकारांच्या अभिनयामुळे चित्रपटाला प्रेक्षकांनी अक्षरशः डोक्यावर घेतलं आहे. अशात अभिनेत्री कतरिना कैफने दिलेली प्रतिक्रिया सध्या चर्चेचा विषय ठरत आहे. (Katrina kaif family reacts on Tiger 3 Movie)
कतरिना या फ्रेंचाईझीमधील महत्वाचा भाग असून याआधीच्या चित्रपटांप्रमाणे याही चित्रपटातील तिचा अंदाज प्रेक्षकांना भावला. तिच्या प्रत्येक स्टंटची बरीच चर्चा होत असून आता कतरिनाचे सासरे श्याम कौशल यांनी तिच्या अभिनयाचं कौतुक केलं आहे. याचा खुलासा खुद्द तिने एका मुलाखतीत दिला. ‘इंडिया टुडे’ला दिलेल्या मुलाखतीत अभिनेत्रीने तिच्या सासऱ्यांनी चित्रपट पाहत चित्रपटातील ‘त्या’ टॉवेल सीन्सचे कौतुक केले आहे.
हे देखील वाचा – …अन् बारशाला राहुल वैद्यने लेकीच्या पायाला केलं किस, गायकावर कौतुकाचा वर्षाव, पाहा सुंदर फोटो
या मुलाखतीत कतरिना म्हणाली, “माझे सासरे श्याम कौशल हे ज्येष्ठ ॲक्शन डायरेक्टर आहे. त्यांनी नुकतंच हा चित्रपट पाहिला, जे पाहून त्यांना आनंद झाला होता. त्यांना माझे ॲक्शन सीन्स, खासकरुन ‘तो’ टॉवेल सीन त्यांना प्रचंड आवडला असून त्यांना माझा प्रचंड अभिमान वाटला. त्यांच्या तोंडून माझं कौतुक ऐकणं माझ्यासाठी विशेष होतं.” पुढे ती म्हणाली की, “माझ्या घरच्यांनी या चित्रपटासाठी खूप प्रेम आणि पाठिंबा मिळाला, हेच माझ्यासाठी विशेष आहे. त्याचबरोबर माझ्या नवऱ्यालाही चित्रपटातील माझी भूमिका प्रचंड आवडली.”
हे देखील वाचा – Video : भर ट्रॅफिकमध्ये ‘झुमका’ गाण्यावर अमृता फडणवीसांचा भन्नाट डान्स, मात्र नेटकऱ्यांनी उडवली खिल्ली, म्हणाले, “तुमचे हावभाव…”
मनीष शर्मा दिग्दर्शित या चित्रपटात सलमान-कतरिनासह इमरान हाश्मी प्रमुख भूमिकेत असून शाहरुख खान व हृतिक रोशनचा कॅमिओ रोल चाहत्यांचं लक्ष वेधून घेताना दिसला. चित्रपटाने देशभरात आतापर्यंत २०० कोटींची, तर जगभरात ३०० कोटींची कमाई केली आहे.
