Karisma Kapoor Emotional : करिश्मा कपूरचे पूर्वाश्रमीचे पती आणि व्यावसायिक संजय कपूर हे १९ जून रोजी अनंतात विलीन झाले आहेत. त्यांचे शेवटचे संस्कार दिल्लीच्या लोधी रोडवरील दयानंद मुकतीधम येथे केले गेले. संजय कपूर यांना अंतिम निरोप देण्यासाठी करिश्मा तिच्या दोन्ही मुलांसह म्हणजेच कियान आणि मुलगी समायरा सह आली होती. वडिलांच्या अंत्यसंकराला करिश्माची मुले भावनिक झाली आणि रडू लागली. अंतिम संस्कारावेळेच्या समोर आलेल्या व्हिडीओमध्ये करिश्मा आणि करीना दोन्ही मुलांना धीर देताना दिसत आहेत.
पूर्वाश्रमीच्या पतीच्या निधनावेळी करिश्मा कपूरही रडत होती. सोशल मीडियावर उघडकीस आलेल्या फोटोंमध्ये तिच्या डोळ्यांत अश्रू स्पष्टपणे दिसत होते. करीना कपूर आणि सैफ अली खानही संजय कपूर यांच्या अंत्यसंस्कारास पोहोचले. संजय कपूरची पत्नी प्रिया सचदेवही यावेळी हजर होती. १९ जून रोजी संजय कपूरच्या अंत्यसंस्कारासाठी करिश्मा कपूर दोन्ही मुलांसह दिल्लीला रवाना झाली. तिला कलिना विमानतळावर स्पॉट केले गेले. यावेळी तिच्या आणि मुलांच्या चेहऱ्यावर दु: ख स्पष्टपणे दिसून आले.
आणखी वाचा – ज्येष्ठ अभिनेते विवेक लागू काळाच्या पडद्याआड, वयाच्या ७४व्या वर्षी घेतला अखेरचा श्वास
जरी संजय कपूर आणि करिश्मा कपूर यांचा घटस्फोट झाला असला तरी ते दोन्ही मुलांच्या अगदी जवळ होते. घटस्फोटाच्या वेळी, त्याने मुलगा किआन आणि मुलगी समायरा यांच्यासाठी १४ कोटी रुपये बॉन्ड विकत घेतले, ज्याचे दरमहा १० रुपये व्याज मिळते. १२ जून रोजी इंग्लंडमध्ये संजय कपूर यांचे निधन झाले. त्यांच्या मृत्यूबाबत सुहल सेठने एक्सवर माहिती दिली. तोंडात मधमाशी गेल्याने त्यांना श्वास घेण्यास त्रास झाला आणि याचवेळी त्यांना हृदयविकाराचा झटका आला. आता २२ जून रोजी, दिल्लीतील ताज पॅलेस हॉटेल येथे संध्याकाळी ४ ते ५ वाजता संजय कपूर यांच्यासाठी प्रेयर मीट आयोजित केली जाईल.
आणखी वाचा – विवेक लागू यांच्या निधनानंतर पूर्णपणे कोलमडून गेली लेक, भावुक पोस्ट शेअर करत म्हणाली, “बराच काळ एकत्र लढलो…”
करिश्मा कपूर आणि संजय कपूर यांचे २००३ मध्ये लग्न झाले आणि २०१६ मध्ये त्यांचा घटस्फोट झाला. या लग्नापासून त्यांना मुलगी समायरा आणि मुलगा कियान अशी दोन मुले झाली. त्यानंतर २०१७ मध्ये त्याने प्रिया सचदेवशी लग्न केले.
