बॉलीवूड अभिनेत्री करीना कपूर खान बऱ्याच दिवसांनंतर पुन्हा एकदा प्रेक्षकांचे मनोरंजन करण्यासाठी येत आहे. पण मोठ्या पडद्यावर नाही, तर ओटीटी प्लॅटफॉर्मवर. होय, अभिनेत्री करीना कपूर लवकरच एका नव्या चित्रपटातून ओटीटीवर पदार्पण करणार आहे. याचा टीझर नुकताच प्रदर्शित झाला आहे. करीनाच्या वाढदिवशी हा चित्रपट ‘नेटफ्लिक्स’ या ओटीटी प्लॅटफॉर्मवर प्रदर्शित होणार आहे. (Kareena Kapoor Khan new Movie)
अभिनेत्री करीना कपूर खानला बॉलीवूडची बेबो म्हणून ओळखली जाते. आजवर अनेक सुपरहिट चित्रपटांमध्ये ती दिसली असून सौंदर्य आणि अभिनयाच्या जोरावर तिने प्रेक्षकांची मने जिंकली आहेत. मोठा पडदा गाजवल्यानंतर ओटीटी प्लॅटफॉर्म गाजवण्यासाठी करीना आता सज्ज झाली आहे. ‘जाने जान’ या चित्रपटाच्या माध्यातून ओटीटीवर पदार्पण करणार आहे. या चित्रपटाचा टीझर नेटफ्लिक्सने प्रदर्शित केला आहे.
हे देखील वाचा – “सर्व सीमा ओलांडून…”, ‘ताली’मध्ये तृतीयपंथीयाची भूमिका साकारल्यानंतर सुव्रत जोशीची पोस्ट, म्हणाला, “आयुष्य किती कठोर…”
करीनाचा ‘जाने जा’ एक सस्पेन्स थ्रिलर चित्रपट असून या चित्रपटात तिच्यासह अभिनेता विजय वर्मा व जयदीप अहलावत दिसत आहे. जपानी लेखक केइगो हिगाशिनो यांची प्रसिद्ध कादंबरी ‘डिवोशन ऑफ सस्पेक्ट एक्स’वर हा चित्रपट आधारित आहे. करीना यात एका वेगळ्या रूपात पाहायला मिळणार असून यामध्ये काय पाहायला मिळणार आहे, याची उत्सुकता प्रेक्षकांना लागली आहे. चित्रपटाचे दिग्दर्शन सुजॉय घोष यांनी केले आहे. करीनाच्या वाढदिवशी म्हणजे २१ सप्टेंबर रोजी ‘नेटफ्लिक्स’ या ओटीटी प्लॅटफॉर्मवर हा चित्रपट प्रदर्शित होणार आहे.
हे देखील वाचा – ‘कबूतर जा जा’, ‘आजा शाम होने आई’ गाण्याचे गीतकार काळाच्या पडद्याआड, ८१व्या वर्षी घेतला अखेरचा श्वास
करीनाच्या कामाबद्दल बोलायचे झाल्यास, ती काही वर्षांपूर्वी प्रदर्शित झालेल्या ‘लालसिंग चड्ढा’ चित्रपटात दिसली होती. जो बॉक्स ऑफिसवर सपशेल आपटला होता. या चित्रपटाव्यतिरिक्त करीनाकडे आणखी दोन चित्रपट आहे. (Kareena Kapoor Khan OTT Debut)
