jui gadkari stuck in traffic : कलाकार मंडळी सोशल मीडियावर काहीना काही शेअर करत व्यक्त होतात. आणि यामार्फतच ते चाहत्यांच्या संपर्कात राहतात. कधी आपले फोटो-व्हिडीओ तर कधी कामाबद्दलची माहिती देत ते नेहमीच सोशल मीडियावर सक्रिय असतात. कलाकार मंडळी अनेकदा सामाजिक व राजकीय परिस्थितीवरही भाष्य करतात. मराठी सिनेविश्वातील अनेक कलाकार मंडळी रोजच्या आयुष्यातील सामाजिक प्रश्नांवर आपलं मत मांडतात, त्यांना आलेले अनुभव शेअर करतात. अशीच रोजच्या आयुष्यातील सर्वांच्या त्रासाची गोष्ट म्हणजे वाहतूक कोंडी. सध्या पावसामुळे मुंबईसह इतर सर्व शहरात वाहतूक कोंडीची समस्या अधिकच गंभीर झाली आहे.
या वाहतूक कोंडीचा सामना सामान्य जनतेसह कलाकारांनाही करावा लागत आहे. याच समस्येबद्दल ‘ठरलं तर मग’ फेम अभिनेत्री जुई गडकरीने स्टोरीमध्ये एक व्हिडीओ शेअर केला आहे. बरेच असे कलाकार आहेत जे शूटिंगसाठी मुंबई-ठाणे हा प्रवास करताना दिसतात. आणि या प्रवासादरम्यान त्यांना वाहतूक कोंडीचा सामना हा करावाच लागतो. आणि ट्राफिकमुळे या कलाकारांना एक,दोन तास उशिरा सेटवर पोहोचावं लागतं, तर बरेचदा शूट संपल्यावरही ही मंडळी ट्राफिकमध्ये अडकल्यावर उशिरा घरी पोहोचतात. गेल्या काही दिवसांत अनेक कलाकार मंडळींनी यावर पोस्ट शेअर करत भाष्य केलं आहे.
आणखी वाचा – लग्नानंतर कुलदैवतेच्या दर्शनाला पोहोचला अक्षय केळकर, पत्नीसह कोकण गाठलं अन्…; साधेपणाने वेधलं लक्ष
अशातच आता ‘ठरलं तर मग’ फेम अभिनेत्री जुई गडकरीही वाहतूक कोंडीच्या या समस्येची शिकार झाली आहे. जुईने इंस्टाग्राम स्टोरीवर शेअर केलेल्या व्हिडीओने साऱ्यांचं लक्ष वेधलं आहे. मुंबईत रविवारी सुरु झालेल्या पावसाने अनेक भाग जलमय झाले आहेत आणि अनेक ठिकाणी वाहतूक कोंडी सुरु आहे. अशातच जुई गडकरी दहिसर टोल नाक्यावर होणाऱ्या ट्राफिकमध्ये अडकली असल्याचं तिने व्हिडीओद्वारे म्हटलं आहे.
आणखी वाचा – आई-बाबांसाठी शुभंकर तावडेने खरेदी केलं नवं घर, गृहप्रवेशासाठी एकत्र आलं कुटुंब, पाहा Inside Photo
जुईने त्यांच्या इन्स्टाग्राम स्टोरीद्वारे व्हिडीओ शेअर करत असं म्हटलं आहे की, “अर्धा तास झाला मी या वाहतूक कोंडीत अडकले आहे. ठिकाण – दहिसर टोलनाका”. या व्हिडीओसह कॅप्शनमध्ये जुईने संताप व्यक्त करणारा ईमोजी जोडला आहे. सध्या जुई ‘ठरलं तर मग’ मालिकेतील तिच्या सायली या भूमिकेमुळे अधिक चर्चेत आली आहे.
