बॉलिवूड अभिनेत्री जॅकलिन फर्नांडिसने तिची फसवणूक करणारा सुकेश चंद्रशेखर विरोधात दिल्लीचे पोलीस आयुक्त संजय अरोरा यांच्याकडे तक्रार दाखल केली आहे. तुरुंगात असूनही सुकेश तिला सतत त्रास देत असून धमक्या देत असल्याचा दावा अभिनेत्रीने केला आहे. सुकेश मंडोळी हा सध्या २०० कोटी रुपयांच्या मनी लाँड्रिंग आरोपाखाली तुरुंगात आहे. अभिनेत्रींना सतत पत्र लिहून तो आपल्या भावना व्यक्त करत असतो आणि कदाचित यामुळे कंटाळून जॅकलिनने आता तक्रार दाखल केली आहे.
‘इंडियन एक्स्प्रेस’च्या वृत्तानुसार, जॅकलिनने नुकतेच पोलिस आयुक्त संजय अरोरा यांना पत्र लिहिले आहे. या पत्रात तिने साक्षीदारांचे संरक्षण करण्यात यंत्रणेच्या अपयशाबद्दलही चिंता व्यक्त केली आहे. पोलिस आयुक्तांणा केलेल्या तक्रारीत जॅकलिनने तिच्या सुरक्षेसाठी तातडीने कारवाई करण्याची मागणी केली आहे.
आणखी वाचा – राहुल वैद्य व दिशा परमारने पहिल्यांदा दाखवली लाडक्या लेकीची खास झलक, नेटकरी म्हणाले, “कार्बन कॉपी…”
या पत्रात जॅकलिनने असं म्हटलं आहे की, “मी एक जबाबदार नागरिक आहे. सुकेशनं यापूर्वी मला धमकावण्याचा प्रयत्न केला आहे. सुकेश हा जेलमध्ये असूनही मला कसा काय त्रास देऊ शकतो?”. तसेच ती एक जबाबदार नागरिकही असल्याचे अभिनेत्रीने सांगितले. पण सध्या ती अशा एका प्रकरणात अडकली असून भविष्यात तिला याचे घातक परिणाम भोगावे लागणार असल्याचेही म्हटले आहे.
दरम्यान, सुकेश हा मानसिक छळ करत असून तिला धमकावत आहे. पण तो तिला तुरुंगातून कसा संवाद साधत आहे, याविषयी तिला प्रश्न पडला आहे. त्यामुळे याप्रकरणी पोलिसांनी गांभीर्याने कारवाई करावी असे मत तिने या पत्राद्वारे मांडले आहे.