आपल्या अभिनयाच्या बळावर बॉलिवूडमध्ये स्वतःची वेगळी ओळख निर्माण करणाऱ्या अभिनेत्यापैकी एक म्हणजे विकी कौशल. त्याने आजपर्यंत विविध भूमिका साकारत प्रेक्षकांची मनं जिंकली आहेत. सध्या तो ‘जरा हटके जरा बचके’, ‘सरदार उधम’ यांसारख्या चित्रपटांमुळे बराच चर्चेत आहे. नुकताच त्याच्या ‘सरदार उधम’ या चित्रपटाला राष्ट्रीय पुरस्कारही मिळाला. तो विविध कारणांमुळे चर्चेत असतो. नुकताच तो ‘द ग्रेट इंडियन फॅमिली’ या चित्रपटातील गाण्याच्या प्रमोशनावेळी माध्यमांसमोर आला होता. त्यावेळी त्याचा वेगळा अंदाजात पहायला मिळाला. यात त्याने दाढी वाढवलेली दिसली. त्यामुळे तो लवकरच एका ऐतिहासिक भूमिकेत दिसणार असल्याचं म्हटलं जात आहे. (Vicky playing role of chhatrapati sambhaji maharaj?)
लक्ष्मण उतेरकर ‘छावा’ या छत्रपती संभाजी महाराजांवरील हिंदी चित्रपटाची तयारी करत आहेत. या चित्रपटाची निर्मिती दिनेश विजन तर लेखन ऋषी विरमणी यांनी केलं आहे. एका वाहिनीला दिलेल्या मुलाखतीत उतेकरांनी छत्रपती संभाजी महाराजांवरील चित्रपट दिग्दर्शित करत असल्याची माहिती दिली आहे. विकी छत्रपती संभाजी महाराजांची भूमिका साकारणार असल्याचं म्हटलं जात आहे. हा चित्रपट शंभूराजांच्या पराक्रमावर व त्यांच्या त्यागावर आधारित चित्रपट असणार आहे. विकीने या अगोदर ‘तख्त’ व ‘इमोर्टल अश्र्वत्थामा’ चित्रपटातही काम केलं आहे. त्यानंतर तो पुन्हा ऐतिहासिक चित्रपटात झळकणार आहे.
वाचा – विकीची या चित्रपटासाठी तयारी झाली सुरू?(Vicky playing role of chhatrapati sambhaji maharaj?)
विकीच्या ‘उरी’ चित्रपटातील भूमिकेनंतर लक्ष्मण उतेकरांची या चित्रपटांच्या भूमिकेसाठी पहिली पसंती होती. या भूमिकेसाठी त्याला विचारलं असता स्क्रीप्ट वाचल्यानंतर विकीनेही या भूमिकेसाठी होकार कळवला आहे. या चित्रपटात बॉलिवूड अभिनेत्री सारा अली खान महाराणी येसूबाई यांची भूमिका साकारणार आहे. या चित्रपटाची कथा लिहून तयार असून लवकरच चित्रपटाच्या चित्रीकरणालाही सुरुवात होणार आहे.
दिग्दर्शक लक्षण उतेरकर ‘मिमी’, ‘लुका छुपी’ यांनी यांसारखे चित्रपट केले आहेत. त्यांनी बॉलिवूडमध्ये स्वतःची वेगळी अशी ओळख निर्माण केली आहे. त्यांची महाराष्ट्राची संस्कृती व इतिहास यांचा चांगलाच अभ्यास आहे. शिवाय ‘छावा’ चित्रपटासाठी अभ्यास संशोधनही करण्यात आले असल्याचे त्यांनी सांगितलं. आता या चित्रपटाच्या रुपात त्यांनी मोठी जबाबदारी घेतली आहे. हा चित्रपट नक्कीच एक बिग बजेट चित्रपट असणार आहे.