Anant Ambani-Radhika Merchant Pre Wedding in Jamnagar : भारतातील प्रसिद्ध उद्योगपती मुकेश अंबानी यांचा धाकटा मुलगा अनंत अंबानी व राधिका मर्चंट यांच्या लग्नाआधीचे कार्यक्रम गुजरात येथे पार पडले. या कार्यक्रमासाठी जगभरातून अनेक दिग्गजांनी हजेरी लावली होती. हॉलिवूड,बॉलिवूड तसेच इतर क्षेत्रातील नामी व्यक्ती या लग्नासाठी उपस्थित होत्या. या कार्यक्रमामध्ये आलेल्या अनेक कलाकारांनी परफॉर्मन्स सादर केले. हॉलिवूड पॉपस्टार रिहानाच्या परफॉर्मन्स पासून खुद्द मुकेश अंबानी व नीता अंबानी यांच्या अभिनयाची चर्चा सर्वत्र झाली.
अनंत व राधिकाच्या लग्नाआधीच्या कार्यक्रमाची रविवारी सांगता झाली. तीन दिवसीय ही कार्यक्रम थीमवर आधारित होते. कार्यक्रमाच्या दुसऱ्या दिवशी नीता अंबानी व ईशा अंबानी यांनी एकत्रित एक परफॉर्मन्स दिला. हा व्हिडीओ इंटरनेटवर प्रचंड व्हायरल होत आहे. या व्हिडीओमध्ये एक मोठा मंच दिसून येत आहे. तसेच नीता अंबानी व ईशा यांनी सोनेरी चंदेरी रंगाच्या साडीमध्ये दिसून आल्या. दोघींनीही ‘कलंक’ चित्रपटातील ‘घर मोहे परदेसिया’ या गाण्यावर बहारदार नृत्य सादर केले. त्यांच्या नृत्याने उपस्थितांची मनेही जिंकली तसेच त्यांचे कौतुकही केले.
ईशा व नीता अंबानी यांच्यासह या कार्यक्रमामध्ये मुकेश अंबानी यांनी नीता अंबानी यांच्याबरोबर रोमॅंटिक डान्सही केला.तसेच त्यांनी एक व्हिडीओ बनवून त्यामध्ये वर्षभरातील गोड आठवणी,नातवंडावर आणारे प्रेम आणि कुटुंबामध्ये नवीन सदस्याचे म्हणजे होणाऱ्या सूनेचे स्वागत करण्यास उत्सुक असल्याचे बोलले आहे. तसेच तिसऱ्या दिवशी राधिकाच्या एंट्रीचा व्हिडीओदेखील प्रचंड व्हायरल झाला होता. यामध्ये तिने बेज रंगाचा लेहंगा परिधान केला होता. अनंत मंचावर असताना ती खूप खुश दिसत होती. तसेच मंचावर येताना अनंत तिच्याकडे एकटक पाहत असलेला देखील दिसला आणि मंचावर येण्यासाठी राधिकाला हातही दिला. या कृतीने सर्वांनीच या जोडीचे कौतुक केले.
या कार्यक्रमामध्ये अभिनेता शाहरुख खान, सलमान खान,आमिर खान, दिलजित दोसांज,रणवीर सिंह,दीपिका पदुकोन,जान्हवी कपूर, सारा अली खान यांनी परफॉर्मन्स सादर केले. तसेच सिद्धार्थ मल्होत्रा, कियारा अडवाणी,सैफ अली खान,करीना कपूर, विकी कौशल, कतरिना कैफ यांनी हजेरी लावली होती.
