Prasad Jawade Mother Death: प्रसिद्ध अभिनेता प्रसाद जवादेला मातृशोक झाला आहे. प्रसादची आई प्रज्ञा जवादे यांचं २८ डिसेंबर रोजी निधन झालं. वयाच्या ६५व्या वर्षी त्यांनी अखेरचा श्वास घेतला. गेल्या काही काळापासून त्या कर्करोगाशी झुंज देत होत्या. पण त्यांची ही झुंज अपयशी ठरली. आईच्या निधनामुळे प्रसादवर आणि त्याच्या कुटुंबावर दुःखाचा डोंगर कोसळला आहे. दरम्यान अभिनेत्री अमृता देशमुखने सासूच्या निधनानंतर सोशल मीडियावर एक भावुक पोस्ट शेअर केली आहे.
अमृता देशमुखने सोशल मीडियावर काही फोटो शेअर केले आहेत. ही पोस्ट शेअर करत तिने लिहिलं, “पहिल्या दिवसापासून त्यांनी कधीच मला सूनेसारखं वागवलं नाही. मी त्यांची मुलगी होते. तुम्ही कोणत्या नावाने हाक मारता याला फारसं महत्व नसतं. काकू/मम्मी… प्रेम सारखंच असतं, आणि त्यांचं प्रेम हे निर्मळ, निरागस होतं. त्यांचं मराठी भाषा, कविता आणि शब्दांवर असलेलं प्रेम यामुळेच आमच्यामधलं नातं हे घट्ट झालं होतं. दीर्घ संवाद, सध्या भावना, खोल अर्थ आणि त्यांचे घारे डोळे, प्रसादच्या डोळ्यांमध्येही तीच भावना दिसते. तुम्ही ज्या प्रक्रारे मला सांभाळलं, प्रेम दिलं त्यासाठी मी खरंच आभारी आहे. मी नेहमीच तुमची मुलगी बनून राहील, आणि शेवटचं म्हणजे तुमचा मुलगा प्रसाद आणि पप्पांचा मला खूप अभिमान आहे. ज्याप्रकारे त्यांनी या प्रवासात तुमची साथ दिली ते शब्दांपलीकडे आहे.” असं लिहीत तिने आपल्या भावना व्यक्त केल्या. (Prasad Jawade Mother Death)
दरम्यान अमृता देशमुखने प्रज्ञा जवादे यांच्या निधनाची बातमी शेअर केली होती. तसेच प्रसाद आणि त्याच्या आईचं नातं हे फार घट्ट होतं. शिवाय अमृताचं देखील तिच्या सासूबाईंबरोबर जवळचं आणि घट्ट नातं होतं हे तिने शेअर केलेल्या पोस्टवरून स्पष्ट झालं. (Prasad Jawade Mother Death)
