Aishwarya Rajesh’s Bad Experience : सिनेसृष्टीत काम करत असताना कलाकारांना अनेक बऱ्यावाईट प्रसंगांचा सामना करावा लागतो. अनेकदा कलाकार यासंदर्भात व्यक्त देखील होताना दिसतात. तसेच अनेकदा अभिनेत्रींना याचा सामना करावा लागतो. असाच काहीसा वाईट प्रसंग एका साऊथ अभिनेत्रीसोबत घडला आहे. याचा खुलासा अभिनेत्रीने एका मुलाखतीदरम्यान केला. तामिळ, तेलुगू ,मल्याळम आणि हिंदी चित्रपटसृष्टीत आपल्या अभिनयायचा ठसा उमटवणारी अभिनेत्री ऐश्वर्या राजेश हिला करिअरच्या सुरुवातीस एक खूपच वाईट अनुभव आला होता. एक फोटोग्राफरने ऐश्वर्या राजेश हिच्याकडे अश्लील मागणी केल्याचं तिने सांगितलं.
काही दिवसांपूर्वीच ऐश्वर्या राजेश हिने निखिल विजयेंद्र याच्या पॉडकास्टमध्ये तिच्या वाईट प्रसंगाबद्दल सांगितले. हा प्रसंग सांगत ती म्हणाली, “मी अजूनही तो प्रसंग विसरू शकत नाही. मी तेव्हा खूप लहान होते आणि माझ्या भावाबरोबर शूटिंगच्या ठिकाणी गेले होते. फोटोग्राफरनं भावाला बाहेर बसायला सांगितलं, मला आत नेलं, हातात अंतर्वस्त्र दिलं आणि म्हणाला ‘मला तुझं शरीर पाहायचं आहे’.” याचबरोबर तिच्यासाठी हा अनुभव खूपच धक्कादायक असल्याचे तिने या पॉडकास्टमध्ये सांगितले. (Aishwarya Rajesh’s Bad Experience)
दरम्यान, ऐश्वर्या राजेशच्या कामाबद्दल सांगायचे झाले तर, तिने ‘अथाकथी’, ‘अवर्गलम इवर्गलम’, ‘काका मुत्ताई’, ‘वडा चेन्नई’ आणि ‘काना’ यासारख्या अनेक चित्रपटांमध्ये काम केलंय. ‘वर्ल्ड फेमस लव्हर’, ‘का पे रणसिंगम’, ‘रिपब्लिक’ आणि ‘थिट्टम इरांडू’ सारख्या चित्रपटांसाठी तिचं खूप कौतुक करण्यात आलं. ऐश्वर्या राजेश नुकतीच अर्जुनबरोबरच्या तमीळ चित्रपट ‘थीयावर कुलैगल नडुंगा’मध्ये दिसली होती. तसेच ती २०२५ मधील हिट चित्रपट ‘संक्रांतीकी वस्तुनाम’ मध्येही झळकली आहे. सध्या ती भरत दर्शन दिग्दर्शित ‘ओह’!सुकुमारी’ या चित्रपटाचे शूटिंग करीत आहे. या चित्रपटात अभिनेता थिरुवीर मुख्य भूमिकेत आहे. (Aishwarya Rajesh’s Bad Experience)
