Hina Khan Trolled After Marriage : टीव्ही अभिनेत्री हिना खानने तिचा प्रियकर रॉकी जयस्वालशी लग्न केले आहे. ११ वर्ष एकमेकांना डेट केल्यानंतर अखेर हिना खान तिच्या बॉयफ्रेंडसह लग्नबंधनात अडकली आहे. या जोडप्याने नोंदणी पद्धतीने त्यांचे लग्न नोंदवले आहे. लग्नाचे फोटो शेअर करत हिनाने चाहत्यांशी तिच्या लग्नाची बातमी शेअर केली आहे. एकीकडे, चाहते लग्नाच्या बातमीने अभिनेत्रीचे अभिनंदन करीत असताना दुसरीकडे लोक एका हिंदू मुलाशी लग्न करण्यासाठी तिला ट्रोल करीत आहेत. इन्स्टाग्रामवर तिच्या लग्नाचे फोटो शेअर करुन हिना खानने सर्वांना आश्चर्यचकित केले.
अभिनेत्रीच्या या आनंदाच्या बातमीनंतर सिनेविश्वातून तिच्यावर शुभेच्छांचा वर्षाव होताना पाहायला मिळत आहे. मुस्लिम धर्माशी संबंधित असलेल्या हिना खानने रॉकी जयस्वाल यांच्याशी नोंदणी पद्धतीने लग्न केले आहे. रॉकी हा हिंदू आहे. अशा परिस्थितीत, नेटिझन्स अभिनेत्रीच्या लग्नावर विविध प्रश्न उपस्थित करीत आहे. लग्नाच्या फोटोंवर सोशल मीडिया नेटकाऱ्याने लिहिले आहे की,”उमरे वा नमाज, काय कामाचे? जेव्हा एका हिंदूशी लग्न केलं आहेस”. दुसर्‍या व्यक्तीने लिहिले, “तुझ्या नवऱ्याने इस्लाम धर्म स्वीकारला का? कुराणात इस्लाम स्वीकारल्याशिवाय लग्न केले जाऊ शकत नाही”. दुसर्‍या नेटकऱ्याने कमेंट करत म्हटलं आहे की, “मुस्लिम असून हिंदूंबरोबर लग्न केलेस, तुझ्या आईने तुझ्यावर चांगले संस्कार केले नाहीत”.
आणखी वाचा – दीपिका कक्करची कॅन्सरवर मात, १४ तास सुरु होती शस्त्रक्रिया, नवऱ्याने दिली अपडेट, म्हणाला, “आता आयसीयूमध्ये…”
या व्यतिरिक्त एका व्यक्तीने कमेंट करत म्हटलं की, “आपण हे कसे करु शकता? आपण मुस्लिम आहात आणि मला हे चांगलेच ठाऊक आहे की मुस्लिम स्त्री मुस्लिम पुरुषाशिवाय इतर कोणाशीही लग्न करु शकत नाही आणि आपण इस्लामचे नियम मोडले आहेत. अल्लाह तुम्हाला क्षमा करणार नाही”. हिना खान आणि रॉकी जयस्वाल २०१४ पासून एकमेकांना डेट करत होते. ११ वर्षांच्या रिलेशनशिपनंतर दोघांनाही जून २०२५ मध्ये लग्न केले.
आणखी वाचा – कॅन्सरशी झुंज तरीही हिना खानचा लग्न करण्याचा निर्णय, रॉकीसह गुपचूप केला विवाह, साडीवर ८ अंक कोरला कारण…
हिना गेल्या काही काळापासून कॅन्सरशी दोन हात करत आहे. तिला तिसऱ्या टप्प्यातील स्तनाचा कॅन्सर झाला असल्याचं समोर आलं. हिनाच्या या कठीण काळात तिला रॉकीने साथ दिली. आणि अशा परिस्थितीत रॉकीने तिच्याशी लग्न करण्याचाही निर्णय घेतला. कॅन्सरसारख्या गंभीर आजाराशी लढा देत असताना रॉकीने घेतलेल्या या निर्णयाचं कौतुक होत आहे.
