अभिनेता हेमंत ढोमे याने अभिनय, दिग्दर्शन आणि निर्माता म्हणून प्रेक्षकांच्या मनात घर केलं आहे. हेमंतसोबत त्याची पत्नी क्षिती जोगही सिनेविश्वात कार्यरत आहे. क्षितीने मराठी सिनेसृष्टीसह बॉलिवूडमध्येही बरच काम केलं आहे. नुकताच रिलीज झालेला ‘रॉकी और राणी की कहाणी’ चित्रपट प्रेक्षकांच्या भेटीला आला, रणवीर सिंग आणि आलिया भट या चित्रपटात मुख्य भूमिकेत पाहायला मिळाले. या चित्रपटात क्षिती जोग ही झळकली. चित्रपटाच्या प्रीमियर शोला क्षिती सोबत हेमंतने ही हजेरी लावली होती, त्यावेळी क्षितीच होणार कौतुक, क्षितीच यश पाहून हेमंतने सोशल मीडियावर क्षितीसाठी एक खास पोस्ट शेअर केली आहे. या पोस्टमध्ये त्याने क्षितीच भरभरून कौतुक केलं आहे. (Hemant Dhome Special Post)
हेमंतने पोस्ट करत लिहिलंय की, “पाटलीणबाई, आज तुझ्या आयुष्यातला अत्यंत महत्त्वाचा आणि मोठा दिवस! करण सरांच्या ॲाफिस मधून फोन आल्याचं तू मला सांगितलंस आणि घाई घाईत लुक टेस्ट आणि त्यांच्याबरोबरची तुझी मिटींग आणि तारखा आणि बाकी सगळं ठरलं, बघता बघता सिनेमाचं शूट झालं… हा सगळा प्रवास मी जवळून पाहिला… प्रिमियर शो ला तुझ्या सोबत आलो… “He is my husband!” अशी तू सगळ्यांना ओळख करून देत होतीस… काय भारी फिलींग होतं ते! त्या शो नंतर कोण कोण येऊन तुझं कौतुक करत होते… काय कमाल वाटत होतं!”
पाहा हेमंत ढोमेची बायकोसाठीची खास पोस्ट (Hemant Dhome Special Post)
यापुढे हेमंत ने लिहिलं आहे की, “आज आपण आपल्या मित्रांसोबत सिनेमा पाहिला…तुझं काम आज पुन्हा एकदा बारकाईने बघत होतो! तुझी आजवरची मेहनत, स्वतःच्या जिवावर सारंकाही करण्याची जिद्द हळू हळू फळाला येतेय… सिनेमा संपल्यावर गर्दीतून लोक तुला भेटायला आले आणि त्या साऱ्यांनी तुझ्या साठी टाळ्या वाजवल्या… त्या टाळ्या कधी संपुच नयेत असं वाटत राहिलं… तुझं कौतुक कधीच थांबु नये असं वाटत राहिलं… हे सारं मी साठवून ठेवलंय कायमचं आणि आज तुला आवडत नसताना ही पोस्ट लिहीतोय… इतक्या भव्य दिव्य सिनेमात, एवढ्या मोठ्या नटांमधे, त्या सगळ्या झगमाटात तू लख्खं चमकत होतीस… तुझ्या कामाने! कमाल!
क्षिती मला तू कायमंच आनंद दिलायस पण #rockyaurranikipremkahani या चित्रपटाबद्दल Thank you! आपणंच हे सारं केलंय, हे सग्गळं आपलंच यश आहे असं खुळ्यागत वाटणारा तुझा या जगातला सगळ्यात मोठा चाहता…हेमंत.”
हे देखील वाचा – हिंदी मालिकेचा रिमेक.?का होतोय तेजश्रीच्या नव्या मालिकेचा प्रोमो ट्रोल
हेमंतने क्षितीच भरभरून कौतुक करणारी पोस्ट सध्या चर्चेत आहे. हेमंतच्या या पोस्ट वर अनेक कलाकार मंडळींनी क्षितीसाठी हार्ट ईमोजी शेअर केली आहे.
