Happy Birthday Amitabh Bachchan : बिग बी अमिताभ बच्चन यांचा आज ८१वा वाढदिवस आहे. अमिताभ यांच्या जलसा बंगल्याबाहेर तर चाहत्यांनी त्यांना भेटण्यासाठी तुफान गर्दी केली होती. त्यांनीही बंगल्याबाहेर येत चाहत्यांना भेट दिली. दरम्यान चाहत्यांनी केलेल्या तुफान गर्दीचे फोटो व व्हिडीओही सोशल मीडियावर व्हायरल होत आहेत. कलाकार मंडळीही आज अमिताभ यांच्या वाढदिवसानिमित्त व्यक्त होताना दिसत आहेत. आजवर त्यांनी कलाक्षेत्राला दिलेलं योगदान अमुल्य आहे. इतकंच नव्हे तर अजूनही त्यांचे पाच चित्रपट प्रदर्शनाच्या मार्गावर आहेत. कामाबरोबरच अमिताभ यांचं खासगी आयुष्य नेहमीच चर्चेत राहिलं. त्याचविषयी आज आपण जाणून घेणार आहोत. (Amitabh Bachchan Love Life)
अमिताभ यांच्या लव्ह लाइफविषयी बऱ्याचदा बोललं जातं. त्यादरम्यान अभिनेत्री रेखा यांचं नाव आवर्जुन घेतलं जातं. रेखा अमिताभ यांचं पहिलं प्रेम आहे हे जगजाहिरच आहे. पण त्यांचं पहिलं प्रेम रेखा नसून एक दुसरीच व्यक्ती होती. रेखा व जया यांच्याआधी अमिताभ यांच्या आयुष्यामध्ये एक मुलगी होती. ‘एबीपी न्यूज’च्या वृत्तानुसार महाराष्ट्रीयन मुलगी अमिताभ यांचं पहिलं प्रेम होती. अमिताभ यांच्या जवळच्या मित्राने याबाबत खुलासा केला होता.
अमिताभ यांचे मित्र दिनेश कुमार यांनी म्हटलं होतं की, एका नाटकादरम्यान अमिताभ व त्या मुलीची मैत्री झाली. जवळपास तीन वर्ष दोघं रिलेशनशिपमध्ये होते. बॉलिवूडमध्ये अमिताभ यांचं फारसं नाव नव्हतं त्यादरम्यानची ही गोष्ट आहे. त्या दिवसांमध्ये ते कोलकातामध्ये नोकरी करत होते. त्याच कंपनीमध्ये काम करणाऱ्या मराठी मुलीच्या ते प्रेमात पडले. त्या मुलीचं नाव चंदा होतं. दोघांनी लग्न करण्याचाही निर्णय घेतला होता. मात्र दोघांच्या नात्यामध्ये दुरावा निर्माण झाला.
अमिताभ यांनी कोलकातामधील नोकरी सोडली आणि ते मुंबईला निघून आले. त्या मुलीने नंतर सुप्रसिद्ध बंगाली अभिनेत्याबरोबर लग्न केलं. १९७०मध्ये जया व अमिताभ यांची भेट झाली. त्यावेळी जया सुप्रसिद्ध अभिनेत्री होत्या. अमिताभ मात्र अभिनय क्षेत्रामध्ये नाव कमावण्यासाठी धडपड करत होते. एका मासिकाच्या कव्हर पेजवर अमिताभ यांनी जया यांना पाहिलं. त्यानंतर ते जया यांच्या प्रेमात पडले. अमिताभ त्यांचं पहिलं प्रेम विसरत जया यांच्या अगदी जवळ आले. अखेरीस दोघंही विवाहबंधनात अडकले.
