Esha dey wedding : ‘महाराष्ट्राची हास्यजत्रा’ या लोकप्रिय कार्यक्रमातील अभिनेत्री ईशा डे आता लग्नबंधनात अडकली आहे अखेर ईशाच्या लग्नसोहळ्याचे पहिले फोटो समोर आले असून चाहत्यांमध्ये आनंदाचे वातावरण आहे. ईशाने लेखक आणि गीतकार अभिषेक खणकरसोबत लग्नगाठ बांधली आहे. या दोघांचा विवाहसोहळा पाचगणी येथे पार पडला. ईशाच्या लग्नातील काही खास क्षण अभिनेत्री वनिता खरातने तिच्या इन्स्टाग्राम अकाऊंटवर शेअर केले आहेत. हे फोटो सोशल मीडियावर मोठ्या प्रमाणात व्हायरल होत आहेत.
ईशाच्या लग्नाला मराठी मनोरंजनसृष्टीतील अनेक कलाकार उपस्थित होते. वनिता खरातसह प्रियदर्शिनी इंदलकर, रोहित माने, सचिन गोस्वामी, समीर चौघुले, मकरंद देशपांडे, आकांक्षा गाडे यांसारखे कलाकार या सोहळ्यात सहभागी झाले होते. मित्रमैत्रिणी आणि सहकलाकारांच्या उपस्थितीत हा विवाहसोहळा आनंदात पार पडला. लग्नात ईशाने पारंपरिक मराठमोळा लूक केला होता. लाल रंगाची सुंदर नऊवारी साडी, त्यावर सोनेरी काठाची शाल, गळ्यात हार, नाकात नथ आणि हातात हिरव्या बांगड्यांचा चुडा असा तिचा साज होता. या पारंपरिक वेशात ईशा खूपच सुंदर दिसत होती.
आणखी वाचा – महाकुंभच्या मोनालिसाने मुस्लिम प्रियकराशी केले लग्न, फोटो समोर येताच बसला धक्का, फोटो समोर
दरम्यान, ईशाचा नवरा अभिषेक खणकर हा मराठी मालिकांसाठी गीतकार म्हणून काम करतो. ‘खुलता कळी खुलेना’ आणि ‘लक्ष्मी निवास’ यांसारख्या मालिकांसाठी त्याने गीते लिहिली आहेत. तसेच ईशा आणि अभिषेक यांच्या लग्नानिमित्त मराठी कलाविश्वातून त्यांच्यावर शुभेच्छांचा वर्षाव होत आहे. चाहतेही या नव्या आयुष्यासाठी दोघांना भरभरून शुभेच्छा देताना दिसत आहेत.
आणखी वाचा – ‘मी जिवंत आहे’ म्हणत २४ तासांनी आली समोर; हनिमूनवर नवऱ्याला तुरुंगात पाठवणारी पूनम पांडे पुन्हा चर्चेत
