दहा वर्षांपूर्वी आलेल्या ‘फँड्री’ या चित्रपटाची आजही चर्चा होते. या चित्रपटाच्या कथेने व चित्रपटातील कलाकारांनी प्रेक्षकांच्या मनावर गारुड केले होते. या चित्रपटाला अनेक पुरस्कारही मिळाले. विशेष म्हणजे या चित्रपटातील अभिनेता सोमनाथ अवघडे आणि अभिनेत्री राजेश्वरी खरात यांनी त्यांच्या सहजसुंदर अभिनयानं प्रेक्षकांना भुरळ घातली होती. ‘फँड्री’ चित्रपटानंतर राजेश्वरी खरात काही कलाकृतींमध्ये झळकली. आपल्या अभिनयाने चर्चेत राहणारी ही अभिनेत्री सोशल मीडियावरही तितकीच सक्रीय असते. राजेश्वरी खरात तिच्या बोल्ड व ग्लॅमरस लुकमधील फोटो शेअर करत असते, तिच्या या फोटोंची सोसजळ मीडियावर चांगलीच चर्चा होताना दिसते.
‘फँड्री’ चित्रपटात जब्या-शालू ही जोडी प्रेक्षकांच्या चांगलीच पसंतीस पडली होती. आजही जब्या आणि शालूला मोठ्या पडद्यावर पुन्हा एकदा पाहण्यासाठी प्रेक्षक उत्सुक आहेत. पण अजून काही ती वेळ पुन्हा आली नसली तरी जब्या आणि शालू सोशल मीडियावरील व्हिडीओच्या माध्यमातून एकत्र पाहायला मिळतात. सध्या जब्या आणि शालूचा एक व्हिडीओ तुफान व्हायरल होत आहे.
या व्हिडीओमध्ये राजेश्वरी व सोमनाथने ‘फ्रँडी’ चित्रपटातील एक सीन पुन्हा रिक्रिएट केला आहे. चित्रपटातील एका सीनमध्ये जब्या शालूवर काळी राख उधळताना दिसला होता. हाच सीन या व्हिडीओत रिक्रिएट केला आहे. मात्र या व्हिडीओत जब्या शालूवर काळ्या राखऐवजी फुलं उधळताना दिसत आहे. दोघांच्या या व्हिडीओने सगळ्यांचं लक्ष वेधून घेतलं आहे. राजेश्वरीने “& forever” असं लिहित हा खास व्हिडीओ शेअर केला आहे.
राजेश्वरी-सोमनाथच्या या व्हिडीओला चाहत्यांनी लाईक्स व कमेंट्स करत चांगलाच प्रतिसाद दिला आहे. “एक नंबर जोडी”, “जब्याला चिमणी सापडली”, “राख पाहिजे होती लेका”, “आमचा जब्या आणि त्याची नजर आहे तशीच आहे”, “अरं जब्या काळ्या चिमणीची राख उडवायची होती, फुलं नाही”, “राजश्री जब्या गरीब माणूस आहे पण मनाने दिलदार आहे. त्याच्याबरोबर लग्न करा” अशा अबेजक कमेंट्स करत या व्हिडीओला प्रतिसाद दिला आहे.