‘महाराष्ट्राची हास्यजत्रा’ या लोकप्रिय कार्यक्रमातील प्रत्येक कलाकारांनी आपल्या विनोदी शैलीनं प्रेक्षकांच्या मनात घर निर्माण केलं आहे. त्यापैकीच एक म्हणजे निखिल बने. ‘भांडुपचा शशी कपूर’ अशी आपली वेगळी ओळख मिळवत अवघ्या महाराष्ट्रात आपली एक वेगळीच लोकप्रियता मिळवली आहे. आपल्या विनोदी भूमिकांनी प्रेक्षकांना खळखळून हसवणारा निखिल सोशल मीडियावरही तितकाच सक्रिय असतो. सोशल मीडियावर तो त्याचे अनेक फोटो, व्हिडीओ व त्याच्या कामानिमित्त काही माहिती शेअर करत असतो. सोशल मीडियावरील त्याच्या सक्रियतेमुळे व ‘महाराष्ट्राची हास्यजत्रा’ या कार्यक्रमामुळे त्याच्या लोकप्रियतेत चांगलीच वाढ झाली आहे. त्यामुळे सोशल मीडियावरील त्याचा चाहतावर्गही चांगलाच वाढला आहे.
निखिल हा मूळचा कोकणातला आहे. त्यामुळे तो त्याचं गावावरील प्रेम सोशल मीडियावर अनेक व्हिडीओद्वारे व्यक्त करत असतो. सोशल मीडियाद्वारे निखिल आपल्या गावाकडच्या आठवणीही चाहत्यांबरोबर शेअर करत असतो आणि त्याच्या या व्हिडीओला चाहत्यांकडूनही चांगलाच प्रतिसाद मिळतो. अशातच त्याने नुकताच एक व्हिडीओ शेअर केला आहे, ज्याद्वारे त्याने पुन्हा एकदा त्याच्या चाहत्यांना कोकणची खास सफर घडवून आणली आहे. या व्हिडीओद्वारे त्याने त्याच्या कोकणातल्या शूटिंगचा अनुभव शेअर केला आहे आणि या व्हिडीओमध्ये त्याचे हास्यजत्रेतील दोन मित्रदेखील आहेत.
आणखी वाचा – रणवीर शौरीने ‘बिग बॉस’चा मोठा नियम मोडला, घरातच ओढली सिगरेट, अभिनेत्यावर प्रेक्षकांची टीका
निखिलने काही दिवसांपूर्वी त्याच्या इन्स्टाग्राम अकाऊंटद्वारे एक व्हिडीओ शेयर केला होता. ज्यामध्ये त्याने तो कोकणात शूटिंगला गेला असल्याचे म्हटले होते. अशातच निखिलने आणखी एक नवीन व्हिडीओ शेअर केला आहे, ज्यामध्ये त्याने त्याच्या दिवसाची सुरुवात कशी झाली याबद्दल सांगितले आहे. या व्हिडीओद्वारे त्याने चित्रपटाच्या शूटिंगसाठी कोकणात आलो नसून एका युट्यूब सीरिजच्या शूटिंगसाठी कोकणात आले असल्याचे म्हटले आहे. या सीरिजमध्ये तो शंकासुराची भूमिका करणार असल्याचेही त्याने सांगितले आहे.
यानंतर निखिल तो शूटिंग करत असलेल्या गावातील देवदर्शनासाठी गेल्याची खास झलकही त्याने दाखवली आहे. तसेच त्यांना या सीरिजमध्ये पालखी सोहळ्यासाठी त्यांना काही गावकऱ्यांची मदत हवी होती आणि गावकऱ्यांनीती मदत केलीदेखील. कोकणातील गावच्या या व्हिडीओवर निखिलने “शूटिंगमधील मज्जा मस्ती “ असं म्हटलं असून या व्हिडीओमार्फत त्याच्या चाहत्यांना कोकणात तो शूटिंग करत असलेल्या गावची खास सफर घडवली आहे.
