genelia deshmukh birthday celebration : बॉलिवूड इंडस्ट्रीतील लोकप्रिय जोडी म्हणजे अभिनेता रितेश देशमुख आणि अभिनेत्री जिनिलिया देशमुख. रितेश व जिनिलियाने आजवर स्वतःचं असं स्थान सिनेविश्वात आणि प्रेक्षकांच्या मनात स्थापन केलं आहे. महाराष्ट्राचे लाडके दादा-वहिनी अशी ओळखही दोघांना मिळाली आहे. नेहमीच रितेश व जिनिलिया सोशल मीडियावर सक्रिय असतात. काही ना काही शेअर करत ते चाहत्यांच्या संपर्कात राहत असतात. अशातच जिनिलियाच्या वाढवदिवसानिमित्त रितेशने इंस्टाग्राम अकाउंटवर खास फोटो शेअर करत पोस्ट शेअर केली आहे.
जुन्या फोटोंसह रितेशने बायकोला हटके शुभेच्छा दिल्या आहेत. कॅप्शनमध्ये त्याने लिहिलं आहे की, “माझी बायको, माय लव्ह…तुला वाढदिवसाच्या खूप खूप शुभेच्छा. आज फक्त तुझा वाढदिवस नाही आहे, तर हा दिवस मला कायम आठवण करुन देतो की, मी किती भाग्यवान आहे. तू माझ्यासाठी सर्वकाही आहेस. मला कायम आनंदी ठेवणारी, आपल्या मुलांची काळजी घेणारी, प्रेम व आदराने सर्वांचं मन जिंकून घेणारी, माझी मैत्रीण आणि सर्वकाही. जिनिलिया तू कुटुंबातील प्रत्येकासाठी खूप काही करतेस, आम्हाला सगळ्यांना कायम आनंदी ठेवतेस. जरी प्रचंड थकलेली असशील तरीही कोणाला काय हवंय, काय नकोय याकडे तुझं नेहमी लक्ष असतं”.
आणखी वाचा – कॅन्सरवर मात करुनही हा आजार पुन्हा होईल ही भीती कायम, सोनाली बेंद्रेचं धक्कादायक भाष्य, म्हणाली, “लपवून…”
पुढे रितेश म्हणाला, “तू माझ्या आयुष्यातील सगळ्यात मोठी चिअरलीडर आहेस. जी मला कायम पाठिंबा, प्रोत्साहन देते. तुझं घरात कायम हसत-खेळत वावरणं, सर्वांवर प्रेम करणं, मित्रांबरोबर आपण एकत्र घालवलेला वेळ. एकंदर काय, तर तू माझ्या आयुष्यातील अशी एकमेव व्यक्ती आहेस, जिच्यावर मी प्रत्येक गोष्टीसाठी अवलंबून राहू शकतो. तू मला प्रत्येक गोष्टीसाठी मार्ग दाखवला आहेत, आयुष्याच्या विविध टप्प्यात तू माझी उत्तम सहकारी आहेस. आमच्या कुटुंबाचं तू हृदय आहेस, आपली मुलंही प्रत्येक गोष्ट सर्वात आधी तुला सांगतात. आजचा हा खास दिवस तू स्वतः साठी साजरा कर”.
आणखी वाचा – शहनाज गिलची प्रकृती बिघडली, उपचारासाठी अभिनेत्री रुग्णालयात दाखल, करणवीर मेहराने दाखविली झलक
पुढे त्याने म्हटलं, “जिनिलीया आज तुझ्यामुळे मी एक चांगला माणूस, एक चांगला जोडीदार बनू शकलो आणि यासाठी तू मला कायम प्रेरणा दिलीस. तू माझ्या आयुष्यात आहेस यासाठी मी सर्वात जास्त देवाचे आभार मानतो. माझं तुझ्यावर खूप प्रेम आहे बायको. मी आज माझे शब्द पूर्णपणे व्यक्त करु शकत नाही, कारण यापेक्षा तू माझ्यासाठी खूप जास्त महत्त्वाची आहेस. वाढदिवसाच्या खूप शुभेच्छा आणि खूप प्रेम जिनिलीया”,असं म्हणत रितेशने जिनिलीयाबरोबरचे १० फोटो शेअर केले आहेत. यात त्यांचा जुना फोटो, शूटिंगच्या सेटवरचा फोटो, रियान व राहील या दोन्ही मुलांबरोबरच्या फोटोंचा समावेश आहे.
