shiva serial off air : मालिका जशा रसिकांचं मनोरंजन करत असतात त्याप्रमाणे काही काळानंतर त्या प्रेक्षकांचा निरोपही घेतात. बरीच वर्ष रोज एका वेळेत प्रदर्शित होणारी एखादी मालिका ऑफ एअर जाते तेव्हा मात्र प्रेक्षकांचा कुठेतरी हिरमोड होतो. नव्या मालिकांची घोषणा झाली असली तरी कुठेतरी आपली रोजची मालिका, रोजचे चेहरे दिसणार नाहीत याने प्रेक्षक नाराज असतात. बरेचदा ही मंडळी मालिका सुरु ठेवा असा आग्रहही करतात मात्र टीआरपीच्या दृष्टिकोनातून चॅनेलद्वारे मालिकांमध्ये होणारे बदल हे कायम असतात म्हणून त्या मालिकांना निरोप हा घ्यावाच लागतो. अशातच झी मराठी वाहिनीवर ‘तारिणी’ आणि ‘वीण दोघांतली ही तुटेना’ या दोन मालिका प्रेक्षकांच्या भेटीस येत आहेत.
या नव्या मालिकांची घोषणा होताच झी मराठीवरील लोकप्रिय मालिकांपैकी एक असलेली शिवा ही मालिका आता प्रेक्षकांचा निरोप घेणार असल्याचं समोर आलं आहे. गेल्यावर्षीच झी मराठी वाहिनीवर शिवा ही मालिका प्रसारित झाली. वर्ष-दीड वर्षातच या मालिकेने प्रेक्षकांना आपलंस केलं. मालिकेच्या कथानकाने रसिकांची मनं जिंकली. तर कलाकारांनीही त्यांच्या अभिनयाने प्रेक्षकांवर राज्य केलं. ‘शिवा’ या मालिकेतून पूर्वा कौशिकने रसिकांच्या मनावर राज्य केलं.
आणखी वाचा – शहनाज गिलची प्रकृती बिघडली, उपचारासाठी अभिनेत्री रुग्णालयात दाखल, करणवीर मेहराने दाखविली झलक
अशातच आता शिवाने म्हणजेच पूर्वा कौशिकने तिच्या इंस्टाग्राम अकाउंटवर शूटिंगच्या शेवटच्या दिवसातील काही खास क्षण शेअर केले आहेत. पूर्वाने मालिकेच्या सेटवरील शेवटच्या दिवसाचा भावुक व्हिडीओ शेअर केला आहे. यामध्ये पूर्वा शिवा या भूमिकेसाठी लावणारा विग काढताना दिसत आहे. त्यावेळी तिच्या डोळ्यांत पाणी दिसत आहे. शिवा या भूमिकेसाठी पूर्वाने तिचे केस कापले होते. मात्र ते भूमिकेला सेट झाले नाहीत म्हणून तिला विग वापरावा लागला.
“शेवटचा दिवस…शिवाच्या भूमिकेतून निरोप घेत आहे”, असं कॅप्शन देत तिने व्हिडीओ शेअर केला आहे. ‘शिवा’ मालिकेचा शेवटचा भाग हा ८ ऑगस्टला प्रसारित होणार आहे. आणि या मालिकेऐवजी ‘झी मराठी वाहिनी’वर ‘तारिणी’ ही मालिका प्रसारित होणार आहे.
