बॉलीवूड अभिनेता व दिग्दर्शक फरहान अख्तरने नुकतीच एका नव्या चित्रपटाची घोषणा केली आहे. या चित्रपटाची घोषणा करताना फरहानने एक व्हिडिओ शेअर केलं आहे. मात्र हा व्हिडिओ शेअर होताच ‘डॉन-3’ चित्रपट येणार आहे का? असा प्रश्न नेटकऱ्यांना पडला असून चित्रपटाबद्दलच्या अनेक चर्चा सोशल मीडियावर सध्या रंगताना दिसत आहे. (Don 3 Movie Announced)
फरहान अख्तरने सोशल मीडियावर एक व्हिडीओ शेअर केला आहे. ज्यामध्ये ‘3 : A NEW ERA BEGINS’ असं लिहिलेलं दिसत आहे. व्हिडिओवरून असं कळतंय की, फरहान अख्तरने ‘डॉन-3’ चित्रपटाची घोषणा केली आहे, जो २००६ मध्ये प्रदर्शित झालेला ‘डॉन’चा तिसरा भाग आहे.
हे देखील वाचा – Nawazuddin Siddiqui New Movie: नवाजुद्दीन सिद्दीकीचा ‘हड्डी’ थिएटरमध्ये नव्हे तर ओटीटीवर होणार प्रदर्शित, कुठे पाहता येणार?
एकीकडे या चित्रपटाची घोषणा झाली असताना या चित्रपटात शाहरुख खानऐवजी रणवीर सिंह दिसणार असल्याचे म्हटलं जात आहे. त्यामुळे नेटकरी फरहानवर भडकले असून त्याच्या या पोस्टवर कमेंट्सद्वारे राग व्यक्त करत आहेत. एका नेटकऱ्याने कमेंट करत म्हटलंय, “थोडी लाज बाळगा, शाहरुखसोबत हा चित्रपट का केला नाही?” तर दुसऱ्या नेटकऱ्याने म्हटलंय, “नो शाहरुख खान, नो डॉन.” शिवाय आणखीन एका नेटकऱ्याने कमेंट करून म्हटलंय, “शाहरुख शिवाय हा चित्रपट होऊच शकत नाही.”
हे देखील वाचा – …म्हणून ‘जेलर’च्या सेटवर रजनीकांत यांनी मागितली जॅकी श्रॉफची माफी ! खुलासा करत सांगितला ‘हा’ किस्सा
शाहरुख खान आणि प्रियांका चोप्रा यांची मुख्य भूमिका असलेला डॉन चित्रपटाचा पहिला भाग २००६ मध्ये प्रदर्शित झाला होता. हा चित्रपट सुपरहिट ठरल्यानंतर पाच वर्षांनी २०११ मध्ये याचा दुसरा भाग आला होता. विशेष म्हणजे, हे दोन्ही चित्रपट फरहान अख्तरने दिग्दर्शित केले होते. आता या चित्रपटाची घोषणा झाल्याने प्रेक्षकांना उत्सुकता लागलेली आहे. (Don 3 Movie Announced)
