Nilesh Sable On Sharad Upadhye : सध्या सोशल मीडिया हे एक प्रभावी माध्यम झालं आहे. या सोशल मीडियावर अनेक मंडळी आपलं मत खुलेआमपणे मांडतात. अशातच अभिनेता, दिग्दर्शक निलेश साबळेबाबत सुप्रसिद्ध राशिचक्रकार शरद उपाध्ये यांनी केलेली खरमरीत पोस्ट लक्षवेधी ठरली. निलेश यांच्यावर थेट आरोप-प्रत्यारोप करत त्यांनी पोस्टद्वारे केलेले पाहायला मिळाले. चला हवा येऊ द्या या कार्यक्रमात निलेश साबळे दिसणार नसल्याच्या चर्चांना उधाण आलेलं असताना त्यांनी निलेश यांना या कार्यक्रमातून हाकलून लावण्यात आल्याचं म्हटलं, शिवाय त्यांना इथून डच्चू दिला आहे असंही शरद यांनी त्यांच्या पोस्टमध्ये म्हटलं, यावर आता निलेश यांना थेट व्हिडीओ पोस्ट करत शरद उपाध्ये यांचा हा मुद्दा खोडून काढला आहे.
निलेश यांनी व्हिडीओ शेअर करत म्हटले, “नमस्कार, मी. डॉ. निलेश साबळे. सन्माननीय राशिचक्रकार शरद उपाध्ये सर यांच्याशी थेट संवाद साधता आला असता, पण काल त्यांना सोशल मीडियातून व्यक्त व्हायचं होतं. म्हणूनच असा माहिती पुरवणारा, सत्य काय हे दाखवणारा व्हिडीओ मला करावा वाटला. तर तुमची आणि माझी एक किंवा दोनदा भेट झाली. काल शरद उपाध्येनि जी पोस्ट लिहिली त्यात, पहिलंच वाक्य होतं की, झी मराठीने मला डच्चू दिला. मी खाली पाहून वाचतोय कारण मी मुद्दे काढून बोलतोय, कारण उगीच कोणत्या ही विषयावर मुद्द्याविना बोलणं मला जमत नाही”.
आणखी वाचा – प्रेक्षकांची लाडकी सून लवकरच छोट्या पडद्यावर, नव्या मालिकेच्या शूटिंगला सुरुवात, सेटवरील पहिला फोटो समोर
त्यांनी म्हटलं की, “झी मराठीने डच्चू दिला, हकालपट्टी केली असं तुमचं पहिलंच वाक्य होतं, तर सर मला तुम्हाला एक प्रश्न विचारायचा आहे, तुम्हाला याची संपूर्ण माहिती आहे का?, वा बाहेर मीडियाला याबाबत माहिती आहे का?, तर सर्वांना मला महत्त्वाची माहिती द्यायची आहे की, कार्यक्रमाला मी नाही म्हटलं. याबाबतची माहिती तुम्ही करुन घेणं आवश्यक होतं, मला तर लोकं फॅन म्हणून फॉलो करतात पण तुम्हाला गुरु मानतात. सोशल मीडियाचा वापर करतो तेव्हा या गोष्टीची माहिती घेणं ही तुमची जबाबदारी आहे”.
शेवटी त्यांनी म्हटलं की, “तुम्ही एक कॉल करुन विचारायला हवं होतं की निलेश साबळे झी मराठीमध्ये का नाहीत?. दोन महिन्यांपूर्वी वा सव्वा महिन्यापूर्वी कार्यक्रमाला घेऊन माझी झी मराठीसह मिटिंगही झाली. यादरम्यान माझ्याही काही अडचणी होत्या. माझ्या एका चित्रपटाचं एक शूटिंग सुरु आहे, त्यामुळे तारखा जुळत नव्हत्या, आणि माझी माझी अशीही काही कारण होती त्यामुळे मी स्वतःच या कार्यक्रमातून बाहेर पडलो. भाऊ कदम सरांचंही असंच आहे, ते आणि मी एकत्र एकाच सिनेमात काम करतोय”.
