Tejashri Pradhan New Serial : मराठी मालिकाविश्वात लवकरच एका नव्या मालिकेची एंट्री होणार आहे. आणि या मालिकेत प्रेक्षकांची आणि मालिकाविश्वाची लाडकी सून पदार्पण करणार आहे. बरेच दिवसांपासून या मालिकेची, मालिकेतील कलाकारांची चर्चा सुरु असलेली पाहायला मिळाली. अखेर आता या मालिकेचा मुहूर्त पार पडला आहे.
झी मराठी वाहिनीवर प्रेक्षकांच्या भेटीस येणाऱ्या या नव्या मालिकेचं नाव ‘वीण दोघांतली ही तुटेना’ असे आहे. ही मालिका सध्या चांगलीच चर्चेत आली आहे. लवकरच ही मालिका प्रेक्षकांच्या भेटीस येत आहे. या मालिकेत अभिनेत्री तेजश्री प्रधान आणि अभिनेता सुबोध भावे देखील झळकणार आहे.
काही दिवसांपूर्वी या मालिकेचा प्रोमो समोर आला. या प्रोमोला प्रेक्षकांचा भरभरुन प्रतिसाद पाहायला मिळाला. दरम्यान आता या मालिकेबाबत आणखी एक अपडेट समोर आली आहे. तेजश्रीने नुकतीच सोशल मीडियावर एक स्टोरी शेअर केली आहे. ज्यात ती मालिकेच्या शूटिंगला सुरुवात करत असल्याचं दिसतंय. तसेच ही स्टोरी शेअर करत तिने कॅप्शन लिहिलं आहे की, “गणपती बाप्पा मोरया. तुम्हा सर्वांच्या साक्षीने सुरुवात करते. मायबाप प्रेक्षकहो आपल्यातली ही वीण कायम घट्ट राहू दे”.
आणखी वाचा – २५ वर्षांनंतर नियती राजवाडेचं मालिकाविश्वात कमबॅक, ‘झी मराठी’ वाहिनीवरील नव्या मालिकेतून छोटा पडदा गाजवणार
तेजश्रीच्या या पोस्टवरुन तिच्या नव्या मालिकेच्या शूटिंगला सुरुवात झाली असून प्रेक्षक तिला या नव्या मालिकेत पाहण्यासाठी खूप उत्सुक आहेत. तसेच ‘वीण दोघांतली ही तुटेना’ या नव्या मालिकेत तेजश्री प्रधान स्वानंदी तर, अभिनेता सुबोध भावे समर हे पात्र साकारणार आहे. आपल्या भावा-बहिणीच्या सुखासाठी समर-स्वानंदी या दोघांनी एकमेकाशी लग्न करण्याचा निर्णय घेतलेला आहे. या दोघांची अनोखी व हटके लव्हस्टोरी प्रेक्षकांना या मालिकेत पाहायला मिळणार आहे.
आणखी वाचा – Video : कलाकार झाले सेवेकरी! वारकऱ्यांच्या सेवेत आदेश बांदेकर दंग, पायांना मसाज केला अन्…
काही दिवसांपूर्वी समोर आलेल्या मालिकेच्या प्रोमोवर प्रेक्षकांनी लाईक्सचा वर्षाव केला आहे. तर काहींनी मालिकेला हिंदी मालिकेची कॉपी असल्याचं म्हणत ट्रोल करण्याचा प्रयत्न केला आहे. थेट कमेंटमध्ये या मालिकेचा नवा प्रोमो पाहून मालिकेला ट्रोल केलं गेलं. असं असलं तरी तेजश्रीचा खूप मोठा चाहतावर्ग आहे. आणि तिला छोट्या पडद्यावर पाहायला प्रेक्षकवर्ग खूपच उत्सुक आहे.
