Diljit Dosanjh Big Statement : दिलजीत दोसांझ भारतातील विविध शहरांमध्ये त्याची दिल लुमिनाटी टूर करत आहे. या मैफिलींबद्दल चाहत्यांमध्ये प्रचंड वेड पाहायला मिळत आहे. मात्र, त्यांची ही मैफल कायम वादात सापडली आहे. या सगळ्या दरम्यान पंजाबी गायकाने एक मोठा निर्णय घेतला आहे ज्यामुळे चाहत्यांची मनं तुटली आहेत. खरं तर, पंजाबी सुपरस्टारने अल्टिमेटम दिला आहे की जोपर्यंत सरकार भारतातील कॉन्सर्ट इन्फ्रास्ट्रक्चर सुधारत नाही तोपर्यंत तो भारतात पुन्हा संगीत कॉन्सर्ट करणार नाही. शनिवारी रात्री चंदीगडमध्ये परफॉर्म करताना दिलजीतने हे वक्तव्य केले होते. कॉन्सर्टमधील एका चाहत्याने शेअर केलेल्या व्हिडीओमध्ये, दिलजीत दोसांझने देशातील खराब पायाभूत सुविधांबद्दल आपली निराशा व्यक्त केली आहे.
दिलजीत म्हणाला, “मी नियुक्त अधिकाऱ्यांना सांगू इच्छितो की, भारतात लाईव्ह शोसाठी पायाभूत सुविधा नाहीत. ही एक मोठी कमाईची जागा आहे. त्यातून अनेकांना रोजगारही मिळतो. कृपया या जागेवर देखील लक्ष केंद्रित करा”. दिलजीत पुढे म्हणाला, “मी मध्यभागी एक स्टेज उभारण्याचा प्रयत्न करेन, तर त्याभोवती गर्दी पसरली आहे. इथली परिस्थिती सुधारेपर्यंत मी इथे शो करणार नाही. आम्हाला त्रास देण्याऐवजी पायाभूत सुविधा सुधारा”.
शोची तिकिटे पुन्हा जास्त किमतीत विकल्यानंतर दिलजीतच्या संगीत कॉन्सर्टवर टीका झाली होती. तर अनेकांनी पंजाबी अभिनेता-गायकावर त्यांच्या कॉन्सर्टच्या तिकिटांचा काळाबाजार केल्याचा आरोपही केला आहे. गायक म्हणाला की, तिकिटांच्या काळाबाजाराबद्दल जे लोक त्यांची चौकशी करत आहेत त्यांच्याबद्दल मी निराश आहे. अशा काळाबाजार करणाऱ्यांशी आपला संबंध नाही, असे सांगून तो म्हणाला की, अशा प्रकारे तिकिटे विकली जात असतील, तर कलाकार काही करु शकत नाही.
आणखी वाचा – सुप्रसिद्ध तबलावादक झाकीर हुसैन यांच्यावर ‘या’ ठिकाणी होणार अंतिम संस्कार, पत्नीसमोर व्यक्त केली होती इच्छा
भारतातील दिलजीत दोसांझच्या म्युझिक कॉन्सर्टमध्ये चाहत्यांची मोठी गर्दी पाहायला मिळाली. पंजाबी सुपरस्टारने दिल्लीहून आपल्या दिल लुमिनाटी टूरची शानदार सुरुवात केली होती. यानंतर त्याने जयपूर, हैदराबाद, अहमदाबाद, लखनौ, पुणे, कोलकाता आणि बेंगळुरू येथे चमकदार कामगिरी केली.
