बॉलीवूड विश्वातील काही सुंदर अभिनेत्रींपैकी एक लोकप्रिय अभिनेत्री म्हणजे दिया मिर्झा. आपल्या बहारदार अभिनयाने व मनमोहक सौंदर्याने दियाने प्रेक्षकांच्या मनावर अधिराज्य गाजवले आहे. आपल्या सौंदर्याने व अभिनयाने चर्चेत असणारी ही अभिनेत्री अनेकदा तिच्या खासगी आयुष्यामुळे चर्चेत आली आहे. अभिनेत्री सोशल मीडियावरही तितकीच सक्रिय असते. सोशल मीडियावर ती तिचे अनेमक स्टायलिश फोटो शेअर करत असते. आशातच तिने शेअर केलेला एक फोटो सध्या सर्वांचेच लक्ष वेधून घेत आहे.
दियाने तिची सावत्र मुलगी समायराला तिच्या वाढदिवसानिमित्त खास शुभेच्छा दिल्या आहेत. दियाने समायराबरोबरचे काही खास फोटो शेअर करत आपल्या सावत्र मुलीला शुभेच्छा दिल्या आहेत. या फोटोबरोबरच अभिनेत्रीने कॅप्शनमध्ये तिच्या भावना व्यक्त केल्या आहेत. “१५व्या वाढदिवसाच्या हार्दिक शुभेच्छा बाळा. मी तुझे हृदय कायम माझ्या हृदयात ठेवते.” असं म्हणत तिने समायराला वाढदिवसानिमित्त शुभेच्छा दिल्या आहेत.
दियाने समायराबरोबरचे दोन फोटो शेअर केले आहेत. यामधील पहिला फोटो सेल्फीचा आहे. ज्यामध्ये दियाने पांढऱ्या रंगाचा टी-शर्ट परिधान केला आहे. तर समायरानेही पांढऱ्या रंगाचा टी-शर्ट परिधान केला आहे. या फोटोमध्ये दियाने डोक्यावर हिमाचली टोपी घातली आहे. तर समायरा तिच्या खांद्यावर चेहरा ठेवून मागून पोज देत असल्याचे पाहायला मिळत आहे. तर दुसऱ्या फोटोमध्ये दिया तिच्या मुलाबरोबर झोपलेली दिसत आहे. समायरानेही तिच्या खांद्यावर डोके ठेवले आहे.
आणखी वाचा – सुप्रसिद्ध मराठी अभिनेत्याने पॅरिसमध्ये सेलिब्रेट केला बायकोचा वाढदिवस, रोमँटिक फोटो समोर, म्हणाला, “सोनू…”
दियाने शेअर केलेल्या या फोटोवर चाहत्यांनी अनेक कमेंट्सद्वारे तिला वाढदिवसानिमित्त शुभेच्छा दिल्या आहेत. “वाढदिवसाच्या हार्दिक शुभेच्छा, तुला खूप खूप आशीर्वाद, देव तुला पुढील आयुष्यासाठी शुभेच्छा व अनेक आशीर्वाद” अशा अनेक कमेंट्स केल्या आहेत. तर एकाने “खरी आईसुद्धा असं प्रेम करत नाही.” असं म्हटलं आहे. या कमेंट्सने सर्वांचेच लक्ष वेधून घेतले आहे.
२०१४ मध्ये दियाने साहिल संघाशी लग्न केले. मात्र, लग्नाच्या पाच वर्षानंतर २०१९ मध्ये त्यांचा घटस्फोट झाला. साहिलबरोबर घटस्फोट घेतल्यानंतर दियाने उद्योजक वैभव रेखीबरोबर लग्न केले. दियाप्रमाणेच वैभवही आधीच विवाहित होता आणि त्याला समायरा रेखी नावाची मुलगीही आहे. दरम्यान, दिया नुकतीच ‘धक-धक’ चित्रपटात दिसली होती. यानंतर ती ‘IC 814: The Kandahar Attack’मध्ये दिसणार आहे. एका सत्य घटनेवर आधारित या चित्रपटात पंकज कपूर, पत्रलेखा, विजय वर्मा, नसीरुद्दीन शाह, मनोज पाहवा व कुमुद मिश्रा आदी कलाकारांच्याही भूमिका आहेत
